ინგლისური ენის გაძლიერებული სწავლების სკოლა „ნინოში“ სიახლეა

ინგლისური ენის გაძლიერებული სწავლების სკოლა „ნინო“ -ში დიდი ცვლილებებია. სკოლამ შეიძინა პროგრამული უზრუნველყოფის – ვირტუალური ლაბორატორიების სოფტების (მათემატიკის, ფიზიკის და ქიმიის საგნებში) სარგებლობის უფლება, რომელიც უკვე წარმატებით ინერგება. შესაბამისი საგნების მასწავლებლები გადიან ტრეინინგებს, მზადდება შესაბამისი მატერიალური ბაზა.

სკოლის დირექცია დიდ მადლობას უხდის შპს „მეცნიერების, განათლებისა და ინოვაციური ტექნოლოგიების აკადემიის“ ხელმძღვანელობას: ნატო გოგატიშვილს, დავით სონღულაშვილს, მარინა კორბაძეს, ინგა ნებიერიძეს.

ინგლისური სკოლა „ნინო“ თავისი არსებობის 26 წლის განმავლობაში ყოველთვის გამოირჩეოდა ნოვაციებით და ახლაც დიდ პატივად ვთვლით, ამ საშვილიშვილო საქმის პიონერები რომ ვიქნებით.