კომაროვის „შაბათის სკოლის“ მე-6 კლასის მათემატიკის ოლიმპიადაში გამარჯვებულები დააჯილდოვეს

კომაროვის „შაბათის სკოლის“ მე-6 კლასის მათემატიკის ოლიმპიადაში გამარჯვებულების დაჯილდოება გაიმართა.

სკოლის მიერ 19 დეკემბერს გამოქვეყნებული ინფორმაციით, 2024-2025 სასწავლო წლის „შაბათის“ სკოლის მე-6 კლასის ოლიმპიადაში გამარჯვებულებს დიპლომები, ხოლო I, II და III ადგილზე გასულ მოსწავლეებს ფულადი პრიზებიც გადაეცათ.

როგორც ღონისძიებაზე აღინიშნა, „შაბათის სკოლის“ პროფესიონალი პედაგოგები მუდმივად ზრუნავენ, რომ მოსწავლეებმა ცოდნის გაღრმავებასთან ერთად, სხვადასხვა სასარგებლო უნარ-ჩვევა გამოიმუშაონ.

დაჯილდოვებაზე ასევე ყურადღება გამახვილდა, ოლიმპიადაში მონაწილეობის მნიშვნელობაზე – რომ მოსწავლეები კონკურენტუნარიან გარემოში ცოდნის რეალიზებას მიეჩვიონ და შემეცნების პროცესი მეტი მოტივაციით განაგრძონ.

კომაროვის სკოლა მადლობას უხდის თითოეულ პედაგოგს გაწეული შრომისთვის და მოსწავლეებს უწყვეტ განვითარებას უსურვებს!

სკოლის სხვა ამბები