მფრინავი სკოლის მოსწავლის „გაკვეთილი“ თანატოლებს და მადლობა EDU.ARIS.GE-ს

„მას შემდეგ რაც EDU.ARIS.GE-მ ჩემ შესახებ სტატია გამოაქვეყნა, ბევრმა ადამიანმა გამიცნო, დამიკავშირდნენ და შემოთავაზებებიც უამრავია“, – ამის შესახებ პატარა მფრინავი, თაზო კაბულაშვილი გვატყობინებს. ჩვენი აღმოჩენა მოსწავლე მადლობის წერილს გვიზიარებს და თანატოლებს ერთგვარ გაკვეთილს თავად უტარებს.

14 წლის ასაკში განხორციელებული პირველი ფრენა – მფრინავი სკოლის მოსწავლე თბილისიდან

„ბავშვებო, გჯეროდეთ თქვენი ოცნების! მადლობა EDU.ARIS.GE-ს, რომ ჩემი ისტორია მოყევით“, – ნათქვამია თამარ მეფის გიმნაზიის მე-9 კლასელი მოსწავლის წერილში.

მაშ ასე, რა უნდა იცოდეთ თვითმფრინავებისა და ავიაციის შესახებ, მხოლოდ საინტერესო ფაქტები – “გაკვეთილი” მოსწავლისგან:

1. თვითმფრინავი არის უმაღლესი ინჟინერიია. პირველი გაკვეთილი: არაფერი არაა შეუძლებელი, თუ ადამიანმა დაიჯერა. ვილბურ და ორვილ რაიტები თვითმფრინავის პირველი გამომგონებლები იყვნენ და როცა თქვეს, რომ ადამიანი გაფრინდებოდა, ყველას გაეცინა. მაგრამ ისინი არ დანებდნენ. მთავარი გაკვეთილია: გჯეროდეს შენი ოცნების, იშრომე და ისეთი რამ გააკეთე, რაც სხვებისთვის წარმოუდგენელი იქნება!”
2. პირველი წარმატებული თვითმფრინავი 1903 წელს ააგეს რაიტებმა (ამერიკელი ძმები, რომლებიც გახდნენ ავიაციის პიონერი გამომგონებლები)
3. თანამედროვე სამგზავრო თვითმფრინავს Airbus A380-ს შეუძლია ყველაზე მეტი მგზავრის, 800-ზე მეტი ადამიანის გადაყვანა.
4. ყველაზე სწრაფი თვითმფრინავი SR-71 Blackbird იყო. მისი სიჩქარე 3500 კმ/სთ-ს აღემატებოდა!
5. პირველი კომერციული ავიახაზი 1914 წელს გაიხსნა ფლორიდაში — Tampa და St. Petersburg-ის შორის.
6. თანამედროვე ავიაციის ისტორია ომების დროს განვითარდა ყველაზე სწრაფად, რადგან საჭირო იყო ძლიერი საფრენი აპარატები.
7. თვითმფრინავების პილოტებს განსაკუთრებული სამედიცინო შემოწმება სჭირდებათ.
8. ყველაზე დიდი სამგზავრო თვითმფრინავი Airbus A380-ია. მას ორი სრული სართული აქვს.
9. ერთ საშუალო ფრენაზე პილოტები რამდენიმე ასეულ სხვადასხვა პროცესს აკონტროლებენ ერთდროულად.

EDU.ARIS.GE წარმატებას უსურვებს თაზოს. ჩვენ კვლავ განვაგრძობთ ნიჭიერი, მიზანდასახული მოსწავლეების აღმოჩენას, ისწავლე და გახდი შემდეგი აღმოჩენა.