როგორ უნდა გაიაროს მშობელმა ავტორიზაცია და ნახოს მეორე შვილის მონაცემები ელექტრონულ ჟურნალში – ინსტრუქცია EMIS-სგან

განათლების მართვის საინფორმაციო სისტემა (EMIS) ავრცელებს დეტალურ ინფორმაციას, თუ როგორ გაიაროს მშობელმა ავტორიზაცია ელექტრონულ ჟურნალში და როგორ ნახოს მეორე შვილის მონაცემები.

EDU.ARIS.GE განათლების, მეცნიერებისა და ახალგაზრდობის სამინისტროს სსიპ-ის მიერ დღეს, 3 თებერვალს გამოქვეყნებულ თითოეულ ნაბიჯს უცვლელად გთავაზობთ.

1. ელექტრონულ ჟურნალში ავტორიზაციის გასავლელად:

• გადადით ვებგვერდზე onlineschool.emis.ge
• ველში – „მომხმარებლის სახელი“, შეიყვანეთ 11-ნიშნა პირადი ნომერი
• ველში – „პაროლი“, შეიყვანეთ ის პაროლი, რომელიც რეგისტრაციის დროს დააყენეთ
• დააჭირეთ ღილაკს „შესვლა“

ვიდეო-ინსტრუქცია

ავტორიზაციის წარმატებით გავლის შემდეგ, შეძლებთ ელექტრონული ჟურნალის გამოყენებას.

2. ელექტრონულ ჟურნალში მეორე შვილის მონაცემების სანახავად:

• გაიარეთ ავტორიზაცია ელექტრონულ ჟურნალში თქვენი მომხმარებლით (პირადი ნომრით)
• ეკრანის ზედა მარჯვენა კუთხეში ჩამოშალეთ მენიუ
• აირჩიეთ ფუნქცია „როლის შეცვლა“
• გამოჩენილ ფანჯარაში მონიშნეთ როლი „მშობელი“
• სისტემა გამოიტანს საჯარო სკოლის მოსწავლეების/შვილების ჩამონათვალს
• მონიშნეთ სასურველი შვილის სახელი და გვარი
• დააჭირეთ ღილაკს „არჩევა“

არჩევის შემდეგ, ავტომატურად გადახვალთ არჩეული შვილის პირად გვერდზე, სადაც მისი მონაცემების ნახვას შეძლებთ.

ასევე იხილეთ:

როგორ უნდა მიიღოს მშობელმა შვილის სასკოლო შეფასებები და სხვა შეტყობინებები მობილურ აპლიკაციაში