სკოლა-ლიცეუმ „ცოდნაში“ სასწავლო-შემოქმედებითი პროექტის – „მეგობარო, ხელი გამომიწოდე“ დასკვნითი ნაწილი განხორციელდა

თბილისის სკოლა-ლიცეუმ „ცოდნაში“ სასწავლო-შემოქმედებითი პროექტის – „მეგობარო, ხელი გამომიწოდე“ დასკვნითი ნაწილი განხორციელდა.

პროექტის კოორდინატორი სკოლა-ლიცეუმის ქართული ენისა და ლიტერატურის მასწავლებელი დარეჯან ცხომარია იყო.

პროექტის ფარგლებში, სკოლას შაუმიანის №1 და №2 საჯარო სკოლების დირექტორები – არტუშ ურუმიანი და ანაიდა რესტევანიანი, პედაგოგები და მოსწავლეები საპასუხო ვიზიტით ეწვივნენ.

პროექტი მოიცავდა სხვადასხვა აქტივობებს:

• ინგლისური ენის გაკვეთილზე და საბუნებისმეტყველო ექსპერიმენტებზე (ქიმია, ფიზიკა, ბიოლოგია) დასწრება;
• ექსკურსია ცქრიალა ღვინოების ქარხანაში – „ბაგრატიონი“.
• მეგობრული მატჩი ფრენბურთში;
• სახალისო ვიქტორინა: „რა? სად? როდის?“;
• თვითშემოქმედებითი კონცერტი სამივე სკოლის მოსწავლეების მონაწილეობით.

სკოლა-ლიცეუმ „ცოდნას“ დირექტორმა, ნაზი ნადირაძემ პროექტის მონაწილეებს მადლობის სიგელები, სამახსოვრო საჩუქრები და პრიზები გადასცა.

სკოლის სხვა ამბები