სკოლა ,,ნინოს” მოსწავლეებისთვის აქტიური ექსკურსიების პერიოდი დაიწყო

ინგლისური ენის გაძლიერებული სწავლების საშუალო სკოლა ნინოში დაიწყო საინტერესო და სიხარულით სავსე დღეები. სკოლა აქტიურად ახორციელებს ექსკურსიებს ჩვენი ქვეყნის ისტორიულ კუთხეებში, ტაძრებში, მუზეუმებსა დაღირსშესანიშნავ ადგილებში.

2017 წლის 13 მაისს მე-12 კლასის მოსწავლეები, მასწავლებელი და მოსწავლეთა მშობლები იმყოფებოდნენ ექსკურსიაზე ვარიანსა და უფლისციხეში. მოსწავლეებმა დაათვალიერეს იაკობ გოგებაშვილის სახლმუზეუმი, უფლისციხემაც უდიდესი შთაბეჭდილება მოახდინა ექსკურსიის ყველა მონაწილეზე.

მოსწავლეებმა ბევრი ითამაშეს, იმღერეს, მოაწყვეს სხვადასხვა ინტელექტუალური და შემეცნებითი თამაში და სხვა.

ექსკურსია მე-12 კლასის ბავშვებისა და მათი მშობლებისთვის დაუვიწყარი აღმოჩნდა.