სკოლა “ნინოს” წარმომადგენლობა ხურვალეთის მოხუცთა თავშესაფარს საჩუქრებით ეწვია

დღეს, 25 დეკემბერს სკოლა “ნინოს” წარმომადგენლები, დირექტორის მოადგილის, ნინო ქოქიაურის ხელმძღვანელობით ვეწვიეთ ხურვალეთის მოხუცთა თავშესაფარს. დირექციის, მშობლებისა და მასწავლებლების შესაწირით სკოლამ დამდეგი შობა-ახალი წელი მიულოცა მოხუცებს.

“ღმერთმა ჯანმრთელობა და სიკეთე მისცეთ ამ საოცრად თბილ ,ტკბილ ადამიანებს! არავინ არ ვართ დაზღვეული და არ ვიცით, რა მოგველის მომავალში! ღმერთი იყოს ყველა გაჭირვებულის მფარველი! ბევრი ფოტო ვერ გადავიღეთ, მავთულხლართების დანახვამ უდიდესი ტკივილი მოგვაყენა ყველას! საქველმოქმედო ღონისძიებაში ვინც მიიღო მონაწილეობა, ყველას მადლობას გიხდით”, – აღნიშნა სკოლის დირექციამ.