სკოლა “ნინოში” 2018-2019 სასწავლო წელი უკვე დაიწყო

ინგლისური ენის გაძლიერებული სწავლების საშუალო სკოლა “ნინოში” 2018-2019 სასწავლო წელი უკვე დაიწყო. სკოლის დირექციამ მშობლებს, ბავშვებსა და თანამშრომლებს ახალი სასწავლო წლის დაწყება მიულოცა.

“გილოცავთ ახალი, 2018-2019 სასწავლო წლის დაწყებას! მხნეობა, ნაყოფიერი შრომა და მრავალი წარმატება გვისურვებია! განსაკუთრებით მოგმართავთ ჩვენს პირველკლასელებს! თქვენ, ვინც პირველად შემოდგით ფეხი ამ კედლებში! თქვენ გააკეთეთ არჩევანი, გამოგვიცხადეთ ნდობა – მადლობა ამისათვის და გჯეროდეთ, არასოდეს გაგიცრუებთ იმედებს! და ბოლოს, დღეს პირველად დაირეკა ზარი თქვენთვის! არასოდეს დაივიწყოთ: ,,როდესაც გესმის ზარის ხმა, ნურასოდეს იკითხავ, თუ ვის უხმობს ზარი. გახსოვდეს, რომ ის გიხმობს შენ!”, – ვკითხულობთ სკოლის დირექციის მიერ გავრცელებულ განცხადებაში.