სკოლა პოლიგლოტში მშობლებისთვის ღია კარის დღე გაიმართა

სკოლა პოლიგლოტმა უმასპინძლა ღია კარის დღეზე მოსულ მშობლებს, რომელთაც შესაძლებლობა ჰქონდათ, დეტალურად გაცნობოდნენ სკოლის საგანმანათლებლო პროგრამებს, სასწავლო პროცესის სპეციფიკას და სკოლის მიდგომებს თანამედროვე განათლებისადმი.

ღონისძიების ფარგლებში მშობლებს საშუალება მიეცათ, რომ პირადად შეხვედროდნენ სკოლის ადმინისტრაციასა და მასწავლებლებს. შეხვედრისას მიმოიხილეს სკოლის სტრუქტურა, საგაკვეთილო გარემო, აკადემიური და არაფორმალური აქტივობები, რაც ხელს უწყობს მოსწავლეთა მრავალმხრივ განვითარებას.

ღია დიალოგის ფორმატმა მშობლებს საშუალება მისცა, დაესვათ მათთვის მნიშვნელოვანი და საინტერესო კითხვები, რომელთა უმრავლესობა სწავლების მეთოდებს, ინდივიდუალურ მიდგომებსა და სკოლის ღირებულებებს ეხებოდა.

ადმინისტრაციამ და პედაგოგიურმა კოლექტივმა გულწრფელად უპასუხეს ყველა შეკითხვას და ხაზგასმით აღნიშნეს, რომ მოსწავლეების საჭიროებებზე მორგებული სწავლების პროცესის უზრუნველყოფა სკოლის ერთ-ერთი მთავარი პრიორიტეტია.

სკოლა პოლიგლოტი გულითად მადლობას უხდის ყველა მშობელს აქტიური ჩართულობისთვის და გამოხატული ინტერესისთვის. მსგავსი შეხვედრები კიდევ უფრო აძლიერებს სკოლასა და მშობლებს შორის ურთიერთგაგებასა და თანამშრომლობას, რაც ხარისხიანი და შედეგზე ორიენტირებული განათლების მყარ საფუძველს ქმნის.

სკოლის სხვა ამბები