„ზედმეტი ძალისხმევის გარეშე დაასწავლით კითხვას“ – პედაგოგმა პირველკლასელებისთვის წერითი რესურსი შექმნა

ხშირად, პირველი და მეორე კლასის მოსწავლეები ტექსტს იზეპირებენ და გააზრებულად ვერ ცნობენ ასო-ბგერებს.

ამ გამოწვევის დასაძლევად, დაწყებითი კლასების მასწავლებელმა, სოფი ბოცვაძემ შექმნა რესური სახელწოდებით, „ვსწავლობთ კითხვას“.

სოფო მასწავლებელი EDU.ARIS.GE-სთან დღეს, 14 ნოემბერს საუბრობს.

ჩამოტვირთეთ: ვსწავლობთ კითხვას (1)

ჩამოტვირთეთ: ვსწავლობთ კითხვას (2)

როგორ გამოვიყენოთ რესურსი:

“მოსწავლეებს ყოველ გაკვეთილზე ვთავაზობ კითხვის შესწავლის სხვადასხვა ვარიაციებს. ეს რესურსები მოსწავლეებში აღძრავს ინტერესს, ხალისს და ასევე, გააზრებულად სწავლობენ ასო-ბგერებს, რაც შემდგომ გამართული კითხვისთვის უმნიშვნელოვანესია.

ეს არის რესურსი წერითი სამუშაოებისთვის. ერთგვარი მინი-ტესტია, რომელიც ერთდოულად რამდენიმე უნარს ანვითარებს (აღქმა, ნატიფი, მოტორული უნარი).

პირველ რიგში, რესურსს ამოვუბეჭდავთ მოსწავლეს/შვილს და ვთხოვთ, რომ წაიკითხოს ხმამაღლა, დამარცვლით. ამის შემდეგ მოცემულია მარცვლები, რომლებიც ბავშვებმა უნდა გააფერადონ. ეს მათი სწავლის პროცესს სახალისოს ხდის. ამ ფორმით ზედმეტი ძალისხმევის გარეშე დაასწავლით კითხვას”.

ასევე იხილეთ:

მშობლები თბილისიდან, რომლებიც შვილებისთვის აქტივობებს თავად ქმნიან – „ვიცოდით, მათ განვითარებაზე თავადაც უნდა გვეზრუნა“