2021 წლის ეროვნულ გამოცდებზე საზოგადოებრივ წესრიგს 559 დაცვის პოლიციელი დაიცავს
2021 წლის ერთიანი ეროვნული გამოცდების მიმდინარეობისას, საგამოცდო ცენტრებში საზოგადოებრივ წესრიგს და უსაფრთხოებას, დაცვის პოლიციის შეიარაღებული წარმომადგენლები დაიცავენ. იგივე სამსახური უზრუნველყოფს შეფასებისა და გამოცდების ეროვნულ ცენტრამდე აპლიკანტების ნამუშევრების უსაფრთხოდ მიტანას.
უსაფრთხოების მომსახურება საგამოცდო უწყებას ნახევარ მილიონ ლარზე მეტი უჯდება. შესაბამისი მოთხოვნა გამოცდების ცენტრმა შესყიდვების სააგენტოს 9 ივნისს წარუდგინა. გამარტივებული შესყიდვის შესახებ დოკუმენტაციიდან ირკვევა, რომ საგამოცდო პერიოდში დაცვის სამსახურის მომსახურებაში ნაეკი 596 468 ლარის გადახდას გეგმავს. შესყიდვის ღირებულება კი, საქართველოს შინაგან საქმეთა სამინისტროს საჯარო სამართლის იურიდიული პირის – დაცვის პოლიციის დეპარტამენტის წერილის საფუძველზეა დადგენილი.
ჯამური 596 468 ლარიდან დაცვის პოლიციის თანამშრომელთა ხელფასებისთვის განკუთვნილია 167 700 ლარი; 559 თანამშრომლის კვებითი უზრუნველყოფისთვის- 214 656 ლარი; საწვავის ხარჯი – თანამშრომლების ობიექტზე მიყვანა, საგამოცდო შედეგების ეროვნულ ცენტრებში გაცილება, ტექნიკური საშუალებების ტრანსპორტირება – სავარაუდოდ 25 220 ლარი; მივლინების ხარჯები -6000 ლ; მოგება -41358; გადასახდელები -141535ლ .
ერთიანი ეროვნული გამოცდები 2021 წლის პირველ ივლისს იწყება და ქვეყნის მასშტაბით არსებული საგამოცდო ცენტრები ჯამში 80 ათასზე მეტ აპლიკანტს უნდა მოემსახურონ.
განახლებადი ინფორმაცია გამოცდების შესახებ
გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე
- 2025 წლის აბიტურიენტებისთვის საგანმანათლებლო პროგრამების სავარაუდო ჩამონათვალი ჩასაბარებელი საგნების მიხედვით გამოქვეყნდა by სიახლეები მისაღებ გამოცდებზე
- ცნობილია როგორია 2024 წლის აბიტურიენტების რეიტინგული სია ჩასაბარებელი საგნების მიხედვით – დოკუმენტი by სიახლეები მისაღებ გამოცდებზე
- ცნობილია 2024 წლის აბიტურიენტების საგანმანათლებლო პროგრამების არჩევანი პრიორიტეტების მიხედვით by შედეგები 2024