GRUNI-ში ახალგაზრდული ფორუმი – „მდგრადი განვითარებისა და ევროინტეგრაციისთვის” გაიმართა
![](https://edu.aris.ge/news/wp-content/uploads/2023/04/05-4-458x257.jpg)
გრიგოლ რობაქიძის სახელობის უნივერსიტეტში გაიმართა ახალგაზრდული ფორუმი – „მდგრადი განვითარებისა და ევროინტეგრაციისთვის”.
ღონისძიებაში გრუნისთან ერთად მონაწილეობდა „საქართველოს მწვანეთა მოძრაობა/დედამიწის მეგობრები -საქართველო”.
ფორუმი მიეძღვნა გაეროს მდგრადი განვითარების მიზნების განხორციელებასა და საქართველოს ევროპული ინტეგრაციის პროცესში ახალგაზრდების ჩართულობას, მათი ინოვაციური ხედვების წარმოჩენას.
გრუნიმ განსახილველად შეარჩია გაეროს მდგრადი განვითარების მე-8 მიზანი _ „ღირსეული სამუშაო/ეკონომიკური ზრდა“. ფორუმი სადისკუსიო-პანელური ფორმატით წარიმართა. სამართლისა და ბიზნესის სკოლების სტუდენტებმა განსახილველ თემასთან დაკავშირებით იმსჯელეს ისეთ მნიშვნელოვან საკითხებზე, როგორებიცაა: „მწვანე ეკონომიკა“, „ღირსეული სამუშაო პირობები მდგრადი განვითარებისათვის“, „დასაქმებულთა შრომითი უფლებები“, „ტრეფიკინგი“ და ა.შ.
ფორუმის დასრულების შემდეგ გაფორმდა თანამშრომლობის მემორანდუმი უნივერსიტეტსა და ა(ა)იპ ორგანიზაცია „საქართველოს მწვანეთა მოძრაობა/დედამიწის მეგობრები – საქართველოს” შორის. მემორანდუმს ხელი მოაწერეს გრუნის რექტორმა ბატონმა მამუკა თავხელიძემ და „მწვანეთა მოძრაობის“ ხელმძღვანელმა ქალბატონმა ნინო ჩხობაძემ.
ღონისძიების მხარდამჭერები არიან: საქართველოს პრეზიდენტი, საქართველოს გარემოს დაცვისა და სოფლის მეურნეობის სამინისტრო, საქართველოს განათლებისა და მეცნიერების სამინისტრო და შვედეთის სამეფოს საელჩო საქართველოში.
-
გრუნის ასოცირებული პროფესორის, გოჩა ოჩიგავას სამეცნიერო სტატია გერმანულ გამოცემაში გამოქვეყნდა by გრიგოლ რობაქიძის უნივერსიტეტი
-
GRUNI-სა და მიჩიგანის სახელმწიფო უნივერსიტეტის ერთობლივი კონფერენცია გაიმართება by გრიგოლ რობაქიძის უნივერსიტეტი
-
ტადაჰარუ უეჰარას ვიზიტი GRUNI-ში by გრიგოლ რობაქიძის უნივერსიტეტი