„ბუნებრივია, რომ განათლების კომიტეტის თავმჯდომარეობის ერთ-ერთ კანდიდატად მეც მოვიაზრები”, – გენადი მარგველაშვილი
მას შემდეგ რაც პარლამენტმა პროპორციულ არჩევნებთან დაკავშირებით საკონსტიტუციო ცვლილებები ჩააგდო, პარლამენტში 14 ვაკანტური თანამდებობა გაჩნდა.
თავისუფალია განათლების, მეცნიერებისა და კულტურის კომიტეტის თავმჯდომარის პოზიციაც, რომელსაც EDU.ARIS.GE-ს ინფორმაციით, ყოფილი თავმჯდომარის, მარიამ ჯაშის პირველი მოადგილე გენადი მარგველაშვილი დაიკავებს.
როგორც გენადი მარგველაშვილმა EDU.ARIS.GE-სთან საუბარში აღნიშნა, ამ საკითხზე მასთან კონსულტაციები მიმდინარეობს და რეგლამენტის გათვალისწინებით, ორშაბათს უკვე გვეცოდინება საბოლოოდ ვინ დაიკავებს განათლების კომიტეტის თავმჯდომარის თანამდებობას.
„ბუნებრივია, რომ კომიტეტის თავმჯდომარეობის ერთ-ერთ კანდიდატად მეც მოვიაზრები, რეგლამენტის მიხედვით, ეს ცნობილი გახდება ერთ კვირაში, მას შემდეგ, რაც გამოცხადდა ვაკანტური თანამდებობები“, – განაცხადა გენადი მარგველაშვილმა.
მოამზადა ანუკი წიწილაშვილმა
- ქარის შედეგად დაზიანებული 20 საჯარო სკოლა შეკეთდება – სკოლების სია by ინფოLIFE
- 500 ლარი მენტორი მასწავლებლებისთვის და 1000-ლარიანი ჯილდო გრანტის მქონე აბიტურიენტებს ლაგოდეხის მუნიციპალიტეტში by ინფოLIFE
- სკოლაში ასაფეთქებელი მოწყობილობის არსებობის შესახებ ინფორმაცია მეილზე მიიღეს – სწავლა შეწყვეტილია by ინფოLIFE