გორის სახელმწიფო უნივერსიტეტში სტუდენტებისთვის ანალიტიკური ვორკშოპი გაიმართა

13 იანვარს, გორის სახელმწიფო უნივერსიტეტში, პროექტის – „არაფორმალური განათლების ხელმისაწვდომობის გაზრდა რეგიონებში მცხოვრები ახალგაზრდებისთვის“ ფარგლებში, სტუდენტებისთვის გაიმართა ანალიტიკური ვორკშოპი, რომელიც თანამედროვე გლობალური პოლიტიკის ერთ-ერთ მნიშვნელოვან თემას ეძღვნებოდა.

უნივერსიტეტის მიერ გამოქვეყნებული ინფორმაციით, ვორკშოპის ფარგლებში განხილული იყო ვენესუელის კრიზისი აშშ–ჩინეთის გლობალური დაპირისპირების კონტექსტში.

პრეზენტაციას უძღვებოდა ლუკა ეხვაია – საქართველოს პრეზიდენტის თანაშემწე საგარეო საკითხებში, რომელმაც მონაწილეებს კრიზისის პოლიტიკური, ეკონომიკური და გეოპოლიტიკური განზომილებები გააცნო.

პროექტი სსიპ ახალგაზრდობის სააგენტოს მხარდაჭერით ხორციელდება. განმახორციელებელი ორგანიზაცია: საქართველოს სტუდენტური ორგანიზაციების ასოციაცია.

უნივერსიტეტის სხვა ამბები