ნოტარიუსთა საკვალიფიკაციო გამოცდის შედეგები

იუსტიციის სასწავლო ცენტრის ვებ-გვერდზე გამოქვეყნდა ნოტარიუსთა საკვალიფიკაციო გამოცდის მონაწილეთა სია, რომელთაც წარმატებით გადალახეს გამოცდის ორივე ეტაპი, ზოგადი უნარ-ჩვევებისა და პროფესიული ტესტირება.

შეგახსენებთ, რომ გამოცდის პირველი ეტაპი, ტესტირება ზოგად უნარ- ჩვევებში, 2013 წლის 18 მაისს, ხოლო პროფესიული ტესტირება 25 მაისს გაიმართა იუსტიციის სასწავლო ცენტრში. გამოცდა კომპიუტერული პროგრამით ჩატარდა, რამაც მონაწილეებს საშუალება მისცა, ტესტის დასრულებისთანავე ენახათ საკუთარი შედეგები.

პრეტედენტები, რომლებმაც უნარ-ჩვევებში 100 მაქსიმალურიდან 70 ქულა ან მეტი დააგროვეს, ხოლო პროფესიულ ტესტში 75 ან მეტი, მიიღებენ სერთიფიკატებს და შეძლებენ ნოტარიუსად მუშაობის დაწყებას.