საავიაციო უნივერსიტეტი ათასწლეულის გამოწვევის ფონდის საგრანტო კონკურსის გამარჯვებული გახდა

საქართველოს საავიაციო უნივერსიტეტმა ათასწლეულის გამოწვევის ფონდის – „პროფესიული განათლება ეკონომიკის განვითარებისთვის” – პროექტის ფარგლებში საგრანტო კონკურსში გაიმარჯვა.

საგრანტო კონკურსი დაფინანსებული იყო აშშ-ის ათასწლეულის გამოწვევის კორპორაციის (MCC) მიერ, ამერიკის შეერთებული შტატებისა და საქართველოს მთავრობას შორის გაფორმებული 140 მილიონი აშშ დოლარის კომპაქტის ფარგლებში.

კონკურსის გამარჯვებული ორგანიზაციები, საქართველოს საავიაციო უნივერსიტეტის გარდა, გახდნენ: საქართველოს აგრარული უნივერსიტეტი, ბათუმის სახელმწიფო საზღვაო აკადემია, საქართველოს ტექნიკური უნივერსიტეტი, საქართველოს საზოგადოებრივ საქმეთა ინსტიტუტი, საქართველოს სამთო გამყოლთა ასოციაცია, პროფესიული კოლეჯი “ფაზისი”, სარკინიგზო ტრანსპორტის კოლეჯი, პროფესიული კოლეჯი “თეთნულდი”, საზოგადოებრივი კოლეჯი “სპექტრი”.