როგორ დაკომპლექტდება წინსვლის მსურველი მასწავლებლის შეფასების კომისია – მუშაობის წესი და eSchool-ში შექმნის ინსტრუქცია

მასწავლებლის პროფესიული განვითარებისა და კარიერული წინსვლის ახალი სქემის ფარგლებში წინსვლის მსურველი მასწავლებლის/სპეციალური მასწავლებლის მიერ წარდგენილი განაცხადისა და განხორციელებული საქმიანობის შეფასების კომისია განათლების, მეცნიერებისა და ახალგაზრდობის მინისტრის მიერ დამტკიცებული წესის შესაბამისად იმუშავებს.

ახალი სქემის თანახმად, კომისია – არის მასწავლებლის/სპეციალური მასწავლებლის კარიერული წინსვლის შესაბამის დონეზე უფლებამოსილი პირის მიერ შექმნილი კომისია, რომელიც განიხილავს მასწავლებლის/სპეციალური მასწავლებლის განაცხადს და ანიჭებს მას შესაბამისი საქმიანობის განხორციელების უფლებამოსილებას, აფასებს მასწავლებლის/სპეციალური მასწავლებლის მიერ ფუნქციის შესრულების ფარგლებში განხორციელებული საქმიანობის შედეგებს.

განათლების მინისტრ გივი მიქანაძის მიერ ოქტომბერში დამტკიცებული წესი განსაზღვრავს საჯარო სამართლის იურიდიული პირის ფორმით დაფუძნებულ ზოგადსაგანმანათლებლო დაწესებულებებსა (შემდგომ – სკოლა) და საგანმანათლებლო რესურსცენტრებში მასწავლებლის/სპეციალური მასწავლებლის შეფასების კომისიების (შემდგომ – კომისია) შექმნის, შემადგენლობის, საქმიანობისა და გადაწყვეტილების მიღების წესს.

წესი ვრცელდება სკოლებზე, საგანმანათლებლო რესურსცენტრებზე, სქემაში ჩართულ ფუნქციების შემსრულებელ ან/და კარიერული წინსვლის უფლების მქონე მასწავლებლებზე/სპეციალურ მასწავლებლებზე, კომისიის წევრებზე.

რა კითხვები შეიძლება დაგვისვას კომისიამ და როგორ დავიცვათ ხედვა გასაუბრებაზე – შეფასების რუბრიკა მასწავლებლის კარიერული წინსვლისთვის (დოკუმენტი)

გაეცანით დოკუმენტს სკოლისა და რესურსცენტრის დონეზე კომისიების მუშაობის წესის შესახებ:

მასწავლებლის პროფესიული განვითარებისა და კარიერული წინსვლის სქემის ფარგლებში მასწავლებლის/სპეციალური მასწავლებლის მიერ წარდგენილი განაცხადისა და განხორციელებული საქმიანობის შეფასების კომისიის შექმნისა და საქმიანობის წესი

გაეცანით დოკუმენტს ახალ eSchool-ის ელექტრონულ სისტემაში სკოლის კომისიის შექმნისა და მართვის ინსტრუქციის შესახებ:

ელექტრონულ სისტემაში სკოლის კომისიის შექმნა და მართვა

ელექტრონულ სისტემაში სკოლის კომისია იქმნება სკოლის დირექტორის ინდივიდუალური ადმინისტრაციულ-სამართლებრივი აქტით. სკოლას შეუძლია შექმნას კომისია სამივე მიმართულებისთვის ერთდროულად ან მიმართულებების მიხედვით ცალ-ცალკე. მიმართულებებია: „სწავლასწავლება“, „მართვა-ადმინისტრირება“ და „საგანმანათლებლო კვლევა“.

მნიშვნელოვანია, რომ სისტემაში კომისიის შექმნამდე სკოლამ უნდა განსაზღვროს კომისიის
შემადგენლობა და გამოსცეს შესაბამისი ინდივიდუალური ადმინისტრაციულ-სამართლებრივი
აქტი. სისტემაში შეტანილი მონაცემები კი უნდა შეესაბამებოდეს აღნიშნულ აქტს.

ასევე იხილეთ:

რა კითხვები შეიძლება დაგვისვას კომისიამ და როგორ დავიცვათ ხედვა გასაუბრებაზე – შეფასების რუბრიკა მასწავლებლის კარიერული წინსვლისთვის (დოკუმენტი)