საბაუნის სადოქტორო კედელს კიდევ სამი სამართლის დოქტორი შეემატა

სულხან-საბა ორბელიანის უნივერსიტეტის სადოქტორო კედელს კიდევ სამი დოქტორი შეემატა.

უნივერსიტეტის მიერ გამოქვეყნებული ინფორმაციით, 2025 წელს, სადოქტორო დისერტაციები წარმატებით დაიცვეს და სამართლის დოქტორები გახდნენ ცისია ოქროპირიძე, სანდრო-გიორგი სარუხანიშვილი და ოლიკო კობახიძე.

მათი სადისერტაციო ნაშრომები სამართლის სხვადასხვა მიმართულებას მოიცავს:

• ცისია ოქროპირიძე – „ქორწინება, როგორც ძირითადი უფლება და მისი მიმართება თანასწორობის საკონსტიტუციო გარანტიებთან“;
• სანდრო-გიორგი სარუხანიშვილი – „დიდი მონაცემების სახელშეკრულებო მოწესრიგება და სამართლებრივი დაცვა ციფრული ფინანსური ბაზრის კონკურენციაში“;
• ოლიკო კობახიძე – „ქართული ცეკვა, როგორც ქორეოგრაფიული ნაწარმოები და მისი საავტორო სამართლებრივი დაცვის მექანიზმები“.

სამართლის სადოქტორო პროგრამის მიზანია:

• სამართლის პრაქტიკისა და თეორიის აქტუალურ საკითხებზე სიღრმისეული სამეცნიერო ანალიზი, შედეგზე ორიენტირებული კვლევა და ახალი ცოდნის შექმნა;
• სამართლის დინამიკურ გამოწვევებზე ორიენტირებული მკვლევრებისა და აკადემიური პერსონალის მომზადება;
• მაღალი ხარისხის სამეცნიერო ნაშრომების შექმნით ქართული და შედარებითი სამართლის განვითარებაში წვლილის შეტანა.

უნივერსიტეტი ულოცავს დოქტორებს ამ მნიშვნელოვან ეტაპს და უსურვებს მათ წარმატებებს აკადემიურ საქმიანობასა და პროფესიულ ცხოვრებაში.

უნივერსიტეტის სხვა ამბები