სტუდენტებისთვის სავალდებულო სამხედრო სამსახურის გავლა ნებაყოფლობითი იქნება – დეტალები
სტუდენტებისთვის სავალდებულო სამხედრო სამსახურის გავლა ნებაყოფლობითი იქნება. ყველა მსურველს შეეძლება დაცვის პოლიციაში სტუდენტობის დამადასტურებელი დოკუმენტი წარადგინოს და სხვადასხვა ობიექტზე 1 წლის განმავლობაში, 3 დღეში ერთხელ 24 საათიანი მორიგეობით სწავლის პარალელურად, ჯარი მოხდილად ჩაეთვლებათ. პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილმა EDU.ARIS.GE-ს უთხრა, რომ განათლების სამინისტროსთან უკვე იყო მოლაპარაკება ამ საკითხზე და სტუდენტებს უნივერსიტეტებში ხელი არ შეეშლებათ.
„სწავლის პერიოდში მათ ექნებათ უფლება და არა ვალდებულება, რომ პარალელურად გაიარონ სამხედრო სავალდებულო სამსახური დაცვის პოლიციაში. მიიღებენ 200 ლარს ხელზე, 3 დღეში ერთხელ იმსახურებენ. განათლების სამინისტრო ხელს შეუწყობს გრაფიკში, გამოცდების ჩაბარების პროცესშიც და სწავლის შემდეგ სამხედრო სავალდებულო სამსახური გასავლელი არ ექნებათ. ეს სისტემა სამომავლოდ საშუალებას მოგვცემს სხვა უწყებებშიც დავნერგოთ მსგავსი მეთოდი“, – განაცხადა ირაკლი სესიაშვილმა.
მოამზადა გიორგი ხუხიამ
- რა უფლებები მიენიჭათ საგანმანათლებლო რესურსცენტრებს სკოლებთან მიმართებით აჭარაში – განათლების მინისტრის ბრძანება by ARIS.GE-განათლება
- როგორ უნდა იმუშაოს აბიტურიენტმა პასუხების ფურცელზე – NAEC-ის რჩევები უცხოური ენის გამოცდისთვის by რჩევები
- დაიწყება თუ არა სკოლაში ქართული ენის ცალკე საგნად სწავლება? – რა პასუხი აქვს განათლების მინისტრს by ARIS.GE-განათლება