GE

თბილისის ერთ-ერთ საჯარო სკოლაში ვირუსული მენინგიტის შემთხვევა დაფიქსირდა

თბილისის ერთ-ერთ საჯარო სკოლაში მოსწავლეს ექიმებმა ვირუსული მენინგიტი დაუდგინეს. ამის შესახებ ინფორმაციას განათლების სამინისტროშიც ადასტურებენ. შემთხვევა ორი კვირის წინ გამოვლინდა.

უწყებაში განაცხადეს, რომ ამ სკოლაში ყველა პრევენციული ზომა ჩატარდა, რაც დეზინფექციასაც გულისხმობს, ხოლო სკოლაში სწავლა ჩვეულებრივ რეჟიმში მიმდინარეობს.

რაც შეეხება ინფორმაციას იმის შესახებ, რომ ამ სკოლის სხვა მოსწავლეებსაც აქვთ მენინგიტის ნიშნები, განათლების სამინისტროში ამბობენ, რომ სხვა შემთხვევის შესახებ მათთვის ცნობილი არაფერია.

ვირუსული მენინგიტი თავის ტვინის გარსების ანთებაა, რომელსაც სხვადასხვა ვირუსი იწვევს და წარმოადგენს ასეპტიკური მენინგიტის ყველაზე ხშირ მიზეზს.

წყარო: imedinews.ge

დასვით კითხვა და მიიღეთ პასუხი - ედუს საცნობარო სამსახური
ანუკი წიწილაშივილი Aris.ge-განათლების ჟურნალისტი