თბილისში დროებით დახურული ბაღების რაოდენობა 65-ს შეადგენს

დედაქალაქში, კორონავირუსის შემთხვევების დადასტურების გამო, დახურული ბაღების რაოდენობა 65-მდე ჩამოვიდა.

როგორც EDU.ARIS.GE -ს დღეს ბაღების მართვის სააგენტოში განუცხადეს, წუხანდელი მონაცემებით, თბილისში სულ 65 ბაღია დახურული.

საბავშვო ბაგა-ბაღებს 12-დღიანი საკარანტინე პერიოდი აქვთ, რის შემდეგაც ისინი მუშაობას აახლებენ და როგორც ბაღების მართვის სააგენტო განმარტავს, სავარაუდოდ, სააღმზრდელო დაწესებულებების დახურვის მაჩვენებელი 60-70 ერთეულით შენარჩუნდება, ასეთია ბოლო ერთი კვირის ტენდენცია.

ცნობისთვის, თბილისში სულ 186 საბავშვო ბაღია.

ასევე იხილეთ:

ბოლო კვირის მაჩვენებლებით, დისტანციურ სწავლებაზეა 219 სკოლა, 493 კლასი და 89 მასწავლებელი