ვიზიტი სოხუმის სახელმწიფო უნივერსიტეტში

2013 წლის 10 ოქტომბერს, სოხუმის სახელმწიფო უნივერსიტეტს ესტუმრნენ დონეცკის მართვის სახელმწიფო უნივერსიტეტის, საერთაშორისო ურთიერთობების დეპარტამენტის უფროსი ირინა სიკორსკაია და ლვოვის კომერციის აკადემიის საერთაშორისო ურთიერთობებისა და სტრატეგიული განვითარების დეპარტამენტის უფროსი ტანია შტანკო. ვიზიტის ფარგლებში სტუმრები შეხვდნენ სოხუმის უნივერსიტეტის რექტორს, პროფესორ ჯონი აფაქიძეს და საგარეო ურთიერთობათა და კულტურათაშორისი კავშირების სამსახურის უფროსს პროფესორ ინდირა ძაგანიას.

შეხვედრაზე ბატონმა ჯონი აფაქიძემ სტუმრებთან ისაუბრა უნივერსიტეტის შესახებ, სამეცნიერო, საგანმანათლებლო და საერთაშორისო პროგრამებზე.

შეხვედრის ფარგლებში დონეცკის მართვის სახელმწიფო უნივერსიტეტსა და სოხუმის სახელმწიფო უნივერსიტეტს შორის დაიდო თანამშრომლობის მემორანდუმი.