აქტივობა მოსწავლეებისთვის – როგორ გამოვიყენოთ ჩვენი უფლებები ისე, რომ სხვები არ დავაზარალოთ

ავტორი: ნინო უჩავა – თბილისის 158-ე საჯარო სკოლის ინგლისური ენის მასწავლებელი

აქტივობა მოსწავლეებისთვის – თემა: როგორ უნდა გამოვიყენოთ ჩვენი უფლებები ისე, რომ სხვები არ დავაზარალოთ.

1. აქტივობის დაწყება – მოსწავლეებს ვუყვებით, რომ ადამიანს უთხრეს, აეღო თავისი წილი, ერთი ნაჭერი ნამცხვარი. ის კი მოიქცა ისე, როგორც სურათზეა ნაჩვენები.

2. მსჯელობა – გამოათქმევინეთ მოსწავლეებს საკუთარი აზრი: რას ფიქრობენ სურათზე ნაჩვენებ ქმედებაზე? როგორ მოიქცა ეს ადამიანი? თვითონ როგორ მოიქცეოდნენ მსგავს სიტუაციაში? ხომ არ დაუნახავთ მსგავსი შემთხვევა ცხოვრებაში?

3. დასკვნა – სურათის განხილვის შემდეგ, ერთად მივდივართ დასკვნამდე: ადამიანმა თითქოს გამოიყენა თავისი უფლება – აიღო თავისი წილი ნამცხვარი, მაგრამ ამ ქმედებით სხვებზე მოახდინა გავლენა. მან გამოიყენა თავისი უფლება უსამართლოდ.

ამის შემდეგ მოსწავლეებს ვაკავშირებთ რეალურ ცხოვრებასთან – მოვაყვანინოთ მაგალითები, როცა ადამიანს თავისი უფლების გამოყენებისას სხვების უფლებები დაურღვევია. ავუხსნათ, რომ საკუთარი უფლებების განხორციელებისას, ყოველთვის უნდა გავითვალისწინოთ სხვების უფლებებიც.

დამატებითი აქტივობა – მოსწავლეებს შეგიძლიათ დააწერინოთ ანონიმური წერილები, სადაც აღწერენ, ყოფილან თუ არა მსგავს სიტუაციაში – როდესაც თვითონ ან სხვამ გამოიყენა უფლება ისე, რომ ვინმე დააზარალა.

ასევე იხილეთ:

სახიფათო ფრაზები მოსწავლისადმი და მათი ალტერნატივა – რა ვუთხრათ და რა არა

როცა კითხვისას ფიქრები სწრაფად გარბიან, ასოები კი ვერ ეწევიან მას – რა უნდა იცოდეს მშობელმა და პედაგოგმა დისლექსიაზე