„დამამთავრებელ კლასში აუცილებლად დაწერეთ განმავითარებელი შეფასებაც!“ – გამოცდილი პედაგოგის რჩევა კოლეგებს
„ახლა სწორედ ის კვირაა, როცა დამამთავრებელი კლასის მოსწავლეებს ელექტრონულ ჟურნალში საბოლოო შეფასებებს ვუწერთ. მინდა გითხრათ, რომ ეს პედაგოგისთვის უდიდესი პასუხიმგებლობაა“ , – ამბობს EDU.ARIS.GE-სთან სოფელ ქვიშხეთის მეთორმეტე კლასის ქართული ენისა და ლიტერატურის წამყვანი პედაგოგი, იამზე მურმანიშვილი და კოლეგებს ურჩევს, განმსაზღვრელ შეფასებასთან ერთად, აუცილებლად გამოიყენონ განმავითარებელი შეფასებაც.
“ჩვენი მეთორმეტეკლასელები ქულით ხუთ სასწავლო საგანში ფასდებიან. მიუხედავად იმისა, რომ ქულა მათ საუნივერსიტეტო გეგმებზე არ ახდენს მნიშვნელოვან გავლენას, აუცილებელია, საბოლოო შეფასება მაქსიმალურად ობიექტურად დავწეროთ, ამისთვის კი მოსწავლეებს უნდა ავუხსნათ თუ რა მიზეზით დავუწერეთ ეს კონკრეტული შეფასება.
“დამამთავრებელ კლასში, სწორედ ახლა, აუცილებლად დაწერეთ განმავითარებელი შეფასებაც! მოსწავლეები ამით გაარკვევენ თავიანთ ძლიერ და სუსტ მხარეებს. უკუკავშირი მნიშვნელოვანია. მე მჯერა, ჩემი კოლეგების სამართლიანობის და დარწმუნებული ვარ, მოსწავლეების შეფასების პროცესში ისინი მაქსიმალურად ობიექტურები იქნებიან“, – ამბობს პედაგოგი.
-
საფოსტო ბარათის ნიმუში მოსწავლეებისთვის – „თქვენგან მხოლოდ მისი ამობეჭდვაა საჭირო“ by სკოლების ამბები
-
რესურს ოთახის კარგი პრაქტიკა სკოლაში – „გაითვალისწინეთ, ეს სათამაშოები განსაკუთრებით მოსწონთ ბავშვებს“ by მთავარი ედუზე
-
„სკოლებო, გაანებივრეთ თქვენი პედაგოგები!” – სიმბოლური საჩუქარი კოლეგებისთვის და გულწრფელი გზავნილი სკოლებს by სკოლების ამბები
