როგორ გადააქციეს მოსწავლეებმა საკლასო ოთახი პატარა შემოქმედებით სტუდიად – ერთი გაკვეთილის ისტორია

თუ გინდათ იცოდეთ, როგორ აქციოთ უბრალო ფრაზა იდეად, საკლასო ოთახი კი – პატარა შემოქმედებით სტუდიად, თანამედროვე განათლების აკადემიის მე-4 კლასის მოსწავლეების ერთი გაკვეთილის ისტორიას უნდა გაეცნოთ.

მეოთხეკლასელებმა, პედაგოგ ნათია კოხოძესთან ერთად, ორგანიზმების სასიცოცხლო ციკლი ფოტო-კადრად აქციეს – ყველაფერი კი დაიწყო ერთი უბრალო ფრაზით – „მას, მოდი, პეპელას ფოტო გადავუღოთ“…

როგორც მასწავლებელი EDU.ARIS.GE-ს უყვება, მოსწავლეებმა ორგანიზმების სასიცოცხლო ციკლი „დააფიქსირეს“ არა კამერით, არამედ ფურცელზე, ფერებითა და წარმოსახვით.

„თითოეული ეტაპი გადაიქცა „ფოტოკადრად“ – მოსწავლეებმა თითქოს დრო გააჩერეს და ყველაზე მნიშვნელოვანი მომენტები დაიჭირეს. ასე შევძელით, რომ სასიცოცხლო ციკლი აღარ ყოფილიყო მხოლოდ ტექსტი წიგნში – ის გადაიქცა ისტორიად, კადრებად, პატარა „ფოტოალბომად“, სადაც თითოეული სურათი სიცოცხლის გაგრძელებას გვიყვება. პროცესში ყველა მოსწავლე აქტიურად იყო ჩართული. ბავშვებს ძალიან მოსწონთ ასეთი აქტივობები. ახლა გადავწყვიტეთ, რომ ყველა ორგანიზმის ციკლები ასე წარმოვადგინოთ“, – აღნიშნავს ნათია კოხოძე.

ასევე იხილეთ: 

პატარა „სიბრძნის კონები“ ქუთაისიდან – როგორ იმოგზაურეს მოსწავლეებმა იგავ-არაკების სამყაროში

„მარტივი დავალება უნიკალური სამყაროს გამოსავლენად“ – შემოქმედებითი აქტივობა, რომელიც მასწავლებელმა მოსწავლეებს შესთავაზა