სასკოლო ფორმების შეძენას ონლაინ, ელექტრონული პლატფორმის მეშვეობითაც შეძლებთ – ინფორმაცია მშობლებისთვის

სასკოლო ფორმების შეძენა, სარეალიზაციო პუნქტების გარდა, ონლაინ, ელექტრონული პლატფორმის საშუალებითაც იქნება შესაძლებელი

პირვეკლასელთათვის სასკოლო ფორმების შეძენა როგორც სარეალიზაციო პუნქტებში, ისე ონლაინ, ელექტრონული პლატფორმის – formebi.emis.ge საშუალებით იქნება შესაძლებელი.

ახალი პლატფორმა საქართველოს განათლების, მეცნიერებისა და ახალგაზრდობის სამინისტროში დღეს, 24 აგვისტოს წარადგინეს, სადაც ასევე ცნობილი გახდა, რომ მშობლები, ფორმებს საქართველოს ყველა რეგიონში გახსნილ სარეალიზაციო პუნქტებში, ასევე ონლაინ, 1-ელი სექტემბრიდან 14 სექტემბრის ჩათვლით იყიდიან, 15 სექტემბრიდან კი, სასკოლო ფორმების შეძენას მხოლოდ ელექტრონული პლატფორმის საშუალებით შეძლებენ.

პლატფორზე მომხმარებელი ნახავს: სასკოლო ფორმების მოდელებს, ზომებს, ღირებულებას, რეალიზაციის პუნქტების ზუსტ მისამართებსა და ა.შ.

მიწოდების ვადა:

• თბილისის მუნიციპალიტეტში – ადრესატის მისამართზე მიწოდების მცდელობა განხორციელდება არაუგვიანეს 5 სამუშაო დღის ვადაში;
• სხვა მუნიციპალიტეტებში – არაუგვიანეს 7 სამუშაო დღის ვადაში.

მიწოდების ღირებულება:

საკურიერო მომსახურების ღირებულება ერთი გზავნილისთვის შეადგენს:

• თბილისში – 5 ლარს;
• სხვა მუნიციპალიტეტებში – 7 ლარს.

შეკვეთის მიწოდებას „საქართველოს ფოსტა“ უზრუნველყოფს.

ასევე იხილეთ: 

დადგინდა რა ეღირება სასკოლო ფორმის ერთეულები ბიჭისთვის და გოგოსთვის – ბრძანება

სად შეძლებთ სასკოლო ფორმების შეძენას – რეალიზაციის პუნქტების ზუსტი მისამართები განისაზღვრა

მთავრობამ სასკოლო ფორმის უფასოდ გადაცემა მოსწავლეთა კიდევ ერთი კატეგორიისთვის გადაწყვიტა