„თუ ეკრანი მთავარი მეგობარია“ – რა შევთავაზოთ შვილს

ავტორი: ანა ქურდაძე-კუხაშვილი – ფსიქოლოგი

როცა ბავშვი ეკრანთან მშვიდად ზის, ოჯახისთვის შვებაა, მაგრამ თუ ეკრანი ნელ-ნელა ბავშვის მთავარი მეგობარი ხდება, საფრთხეც ახლოსაა.

რა საფრთხის წინაშე დგას ბავშვი ეკრანდამოკიდებულებისას?

ყურადღება და ფოკუსირება ნელ-ნელა ქვეითდება – ბავშვს უჭირს ერთ საქმეზე დიდხანს კონცენტრაცია. ირღვევა ძილის რეჟიმი – განსაკუთრებით, როცა გაჯეტებს ძილის წინ იყენებს. ქვეითდება სოციალური უნარები – ბავშვი ნაკლებად ესაუბრება ოჯახის წევრებს და ამცირებს კომუნიკაციას თანატოლებთანაც. ბავშვი მკვეთრად გამოხატავს გაღიზიანებას, როცა გაჯეტის გამოყენებას უკრძალავენ.

რა დაგვეხმარება ეკრანდამოკიდებულების პრევენციაში?

• დააწესეთ წესები და დროის ზღვარი. მაგალითად, დღეში მაქსიმუმ 1 საათი გამოყავით ეკრანთან ყოფნისთვის;
• შექმენით ალტერნატივა – ერთად თამაში, ხატვა, საუბარი, ბუნებაში სეირნობა;
• იყავით მაგალითი – ბავშვი გვაკვირდება, როგორ ვიქცევით. თუ ტელეფონთან ვართ მუდამ, ისიც ასე იქცევა;
• ეკრანისგან დასვენება ძილის წინ – მინიმუმ 1 საათით ადრე გამორთეთ ყველა გაჯეტი;
• ესაუბრეთ ბავშვს, დაეხმარეთ გააზრებაში, რას ხედავს გარშემო.

და ბოლოს, გაჯეტები შეიძლება, სწავლებისა და გართობის საშუალებადაც გამოვიყენოთ, მაგრამ რეალური ურთიერთობები ვერაფრით ჩანაცვლდება.

ასევე იხილეთ:

„თუ ჯერ ვერ ხედავთ შვილის ინტერესის სფეროს, არ ნიშნავს, რომ რაღაცას არასწორად აკეთებთ“ – რა უნდა იცოდნენ მშობლებმა

„დიდხანს რჩება მეხსიერებაში“ – კიდევ რაში ეხმარება „თამაშით სწავლა“ დაწყებითი საფეხურის მოსწავლეს