საზოგადოებრივი კოლეჯი "იბერია" აღჭურვილია თანამედროვე სტანდარტების მანქანა-დანადგარებითა და მოწყობილობებით. კოლეჯი დაკომპლექტებულია მაღალკვალიფიციური მასწავლებლებით, რომლებიზ ამზადებენ სპეციალისტებს სხვადასხვა სპეციალობების მიხედვით. კოლეჯის მიზანია , მაღალ პროფესიულ დონეზე საგანმანათლებლო პროგრამების განხორციელება და, შესაბამისად, ბაზრის მოთხოვნების დაკმაყოფილება. კოლეჯს აქვს თანამედროვედ აღჭურვილი სტუდენტთა საერთო საცხოვრებელი, საკონფერენციო და საგამოფენო დარბაზები, მიმდინარეობს კოლეჯის ძირითადი შენობის სრული რეაბილიტაცია.
საზოგადოებრივი კოლეჯი „იბერია“ ახორციელებს საერთაშორისო პროექტებს. კოლეჯს მჭიდრო კავშირი აქვს პოლონეთისა და ესტონეთის პროფესიულ კოლეჯებთან, სადაც გაცვლით პროგრამებში ჩართულია სტუდენტები და მასწავლებლები.

საზოგადოებრივი კოლეჯი იბერიას ისტორია:

საზოგადოებრივი კოლეჯი ,,იბერია’’ ჩამოყალიბდა 2006 წელს ქუთაისის მოდელირებისა და კერვის ტექნოლოგიის ლიცეუმის ბაზაზე. კოლეჯი ამზადებს სპეციალისტებს პროგრამებზე სხვადასხვა სპეციალობის მიხედვით. 2007 წლიდან კოლეჯს დაექვემდებარა ბაღდათის პროფესიული სასწავლებელი, როგორც ფილიალი. ბაღდათის რეგიონის გეოგრაფიული მდებარეობისა და ბუნებრივი რესურსების გათვალისწინებით 2009 წლიდან აღნიშნულ ფილიალში სტუდენტთა მიღება ხორციელდება შემდეგ სპეციალობებზე: ელექტროობა, ბუღალტრული აღრიცხვა, სტილისტი, სამკერვალო ნაწარმის სპეციალისტი, ავტოინჟინერია, ინფორმაციული ტექნოლოგიები, კომპიუტერული გრაფიკოსი და აგრარული სექტორის სპეციალობები (მემცენარე და მეფუტკრე).