მარნეულის რაიონის საჯარო სკოლების მოსწავლეები სამხედრო-საავიაციო ბაზას ესტუმრნენ
მარნეულის N5 საჯარო სკოლის, ასევე მარნეულის რაიონის სოფელ ახალი დიოკნისის, შულავერის, საიმერლოს, მარადისისა და ხიხანის საჯარო სკოლების მოსწავლეები მარნეულის სამხედრო-საავიაციო ბაზას ესტუმრნენ.
საგანმანათლებლო დაწესებულების მანდატურის სამსახურის ცნობით, მარნეულის საავიაციო ბაზაზე მოსწავლეები გაეცნენ იქ არსებულ სამუშაო გარემოს, დაათვალიერეს მატერიალურ-ტექნიკური ბაზა, ასევე სამხედრო და სასწავლო თვითმფრინავები. გაეცნენ მათი მუშაობის სპეციფიკას. რამდენიმე მოსწავლეს საშუალება ჰქონდა უშუალოდ ჩამჯდარიყო პილოტის კაბინაში.
მოსწავლეები შეხვდნენ სამხედრო-საავიაციო ბაზის მეთაურს, პოლკოვნიკ ზვიად ბექაურს. ასევე გაესაუბრნენ ჯარისკაცებს, მფრინავებს, ინსტრუქტორებს. მათ ისაუბრეს პროფესიის დადებით მხარეზე, სირთულეზე, მის დასაუფლებლად აუცილებელ უნარებსა და შესაძლებლობებზე.
- სკოლის მანდატურის სამსახური ახალ თანამშრომლებს მიიღებს – ვაკანსიები რეგიონების მიხედვით და ვადები by საგანმანათლებლო დაწესებულების მანდატურის სამსახური
- სკოლებში მანდატურის სამსახურმა ფსიქოლოგებისა და სოციალური მუშაკების შესარჩევი კონკურსი გამოაცხადა – რეგიონების სია და ინსტრუქცია მსურველებისთვის by საგანმანათლებლო დაწესებულების მანდატურის სამსახური
- სკოლებში მანდატურის შესარჩევი კონკურსი გამოცხადდა – რეგიონების სია და ინსტრუქცია მსურველებისთვის by საგანმანათლებლო დაწესებულების მანდატურის სამსახური