„თუ მისაღები გამოცდების ელექტრონულ ფორმატზე გადავალთ, ეს განვითარებისკენ გადადგმული ნაბიჯი იქნება“

განათლებისა და მეცნიერების მინისტრი თამარ სანიკიძე ერთიანი ეროვნული გამოცდების ელექტრონულ ფორმატზე შესაძლო გადასვლასთან დაკავშირებით პირველ კომენტარს აკეთებს.

როგორც თამარ სანიკიძემ Aris.ge-განათლებას განუცხადა, აღნიშნული ფორმატის დანერგვა პრობლემას არ წარმოადგენს.

,,დანერგვა ნამდვილად არ  წარმოადგენს პრობლემას. პირიქით, თუ გამოცდების ამ ფორმატზე გადავალთ, ეს განვითარებისკენ გადადგმული ნაბიჯი იქნება.  თუმცა, მთელი პროცესია ნამდვილად  გასავლელი და ეს ძალიან კარგად იცის შეფასებისა და გამოცდების ეროვნულმა ცენტრმა. ძალიან მნიშვნელოვანია, როგორ მოხდება ინფორმირებულობა, როგორ მოემზადებიან, როგორ მოხდება აპრობაცია და რა შედეგს მოგვცემს აპრობაციის პროცესი. ყველა ეს პროცესი გასავლელია, სანამ რაიმეს სისტემაში დავნერგავთ. აქედან გამომდინარე, ჯერ უნდა გავიაროთ ყველა ის ნაბიჯი რომელიც წინ ახლავს რაიმე სიახლის შემოღებას,”- განაცხადა თამარ სანიკიძემ.

2016 წლის ეროვნული გამოცდების მთავარი სიახლე – ნაეკი ელექტრონულ საგამოცდო ფორმატზე გადასვლას გეგმავს

ეკა არის© წივწივაძე