26 ივლისიდან გამოცდებში მაგისტრანტობის მსურველები ჩაერთვებიან – NAEC მონაწილეებს აფრთხილებს

ზაფხულის გამოცდებში 26 ივლისიდან მაგისტრანტობის მსურველები ჩაერთვებიან.

შეფასებისა და გამოცდების ეროვნული ცენტრი საერთო სამაგისტრო გამოცდების მონაწილეებისთვის ინფორმაციას 25 ივლისს ავრცელებს და კიდევ ერთხელ შეახსენებს ყველა მონაწილეს, რომ არ დაიგვიანონ და გამოცდაზე ბარათზე მითითებულ დროსა და ადგილას გამოცხადდნენ.

“ტესტირება ორი დღის განმავლობაში ჩატარდება. პირველ დღეს ჩატარდება გამოცდა წაკითხულის გააზრებისა და ანალიტიკური წერის ნაწილებში, მეორე დღეს კი – ლოგიკურ და რაოდენობრივ მსჯელობაში. გამოცდის ხანგრძლივობაა 2 საათი და 25 წუთი. მაგისტრანტობის კანდიდატმა თან უნდა იქონიოს პირადობის დამადასტურებელი მოწმობა ან პასპორტი და საგამოცდო ბარათი. სურვილის შემთხვევაში – პირბადე და წყალი პლასტმასის ბოთლით”, – აცხადებენ შეფასებისა და გამოცდების ეროვნულ ცენტრში.

2022 წლის საერთო სამაგისტრო გამოცდისთვის 9 500-ზე მეტი აპლიკანტი დარეგისტრირდა.

ასევე იხილეთ:

განახლებადი ინფორმაცია გამოცდების შესახებ

გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე