29 ივლისს, აბიტურიენტებისა და მასწავლებლის გამოცდების დამატებითი სესიები ჩატარდება – განრიგი და სია

იმ აბიტურიენტებისათვის, რომლებმაც ვერ შეძლეს COVID-19-ის ინფექციის დადასტურების გამო გამოცდებზე დასწრება, 29 ივლისს განისაზღვრა ერთი დამატებითი საგამოცდო სესია შემდეგ საგნებში:

• ისტორია;
• ბიოლოგია;
• გეოგრაფია;
• სამოქალაქო განათლება.

როგორც შეფასებისა და გამოცდების ეროვნული ცენტრის მიერ 27 ივლისს გამოქვეყნებულ ინფორმაციაში ვკითხულობთ, ამავე დღეს ჩატარდება მასწავლებლის გამოცდებში მონაწილეებისათვის დამატებითი სესია მითითებულ საგნებში:

• ქართული ენა და ლიტერატურა (საბაზო ან / და საშუალო საფეხური);
• ინგლისური ენა (დაწყებითი, საბაზო ან / და საშუალო საფეხური) – წერითი ნაწილი;
• ფრანგული ენა (დაწყებითი, საბაზო ან / და საშუალო საფეხური) – წერითი ნაწილი;
• რუსული ენა (დაწყებითი, საბაზო ან / და საშუალო საფეხური) – წერითი ნაწილი;
• გერმანული ენა (დაწყებითი, საბაზო ან / და საშუალო საფეხური) – წერითი ნაწილი;
• ისტორია (საბაზო ან / და საშუალო საფეხური);
• ქიმია (საბაზო ან / და საშუალო საფეხური);
• სახვითი და გამოყენებითი ხელოვნება;
• ინფორმაციული და საკომუნიკაციო ტექნოლოგიები/კომპიუტერული ტექნოლოგიები – წერითი ნაწილი;
• სპორტი;
• პროფესიული უნარების გამოცდა უფროსი და წამყვანი მასწავლებლებისათვის.

იხილეთ გამოსაცდელთა სია მათი საიდენტიფიკაციო ნომრით და დეტალური ინფორმაცია გამოცდის ჩატარების შესახებ

“გაითვალისწინეთ, რომ გამოსაცდელი უნდა გამოცხადდეს ცხრილში მითითებულ ადგილას 14:00 საათზე. სხვა გამოცდების დამატებითი სესიების თაობაზე ინფორმაცია ეტაპობრივად გამოქვეყნდება”, – განმარტავს შეფასებისა და გამოცდების ეროვნული ცენტრი.

ასევე იხილეთ:

განახლებადი ინფორმაცია გამოცდების შესახებ

გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე