აღნიშნე აბიტურიენტების კლუბის დაბადების დღე ალტე უნივერსიტეტთან ერთად
![](https://edu.aris.ge/news/wp-content/uploads/2023/10/alte-101023-458x257.jpg)
აღნიშნე აბიტურიენტების კლუბის დაბადების დღე ალტე უნივერსიტეტთან ერთად
ზუსტად ერთი წლის წინ, ალტე უნივერსიტეტის გუნდმა, აბიტურიენტების კლუბთან ერთად, საკმაოდ ამბიციური მიზანი დაისახეს – აბიტურიენტებისთვის, საქართველოს მასშტაბით, შეემსუბუქებინათ აბიტურიენტობის დამღლელი და სტრესული პერიოდი. ამ ერთი წლის განმავლობაში, იყო 70-მდე პროექტი, მათ შორის, უნიკალური კონცეფციის ბანაკი, ვორქშოფები, ტრენინგები, სემინარები, ბოლო ზარის წვეულება, კონკურსები და სხვა. ასევე, აბიტურიენტების კლუბის გუნდმა, კლუბის წევრ ამბასადორებთან ერთად, მოიარეს საქართველოს თითქმის ყველა რეგიონი და შეხვდნენ 1 000-ზე მეტ აბიტურიენტს.
წინ დიდი გეგმებია, თუმცა, 14 ოქტომბერი ნამდვილად არ უნდა გამოტოვოთ, თუ სკოლის მოსწავლე ხართ. დარეგისტრირდით, გვესტუმრეთ და ერთად აღვნიშნოთ ჩვენი მიღწევები. წინ უამრავი სიურპრიზი გელოდებათ.
სტუმრების სიას აქ უნდა შემოუერთდე, თუმცა, იმ დრომდე, გაითვალისწინე, რომ ამ ღონისძიებაზე დასასწრებად, აუცილებლად უნდა იყო აბიტურიენტების კლუბის წევრიც.
ალტე უნივერსიტეტის მარკეტინგული პროექტების ხელმძღვანელს, ხატია მათიკოშვილს, ვკითხეთ, თუ რა ელოდებათ ვიზიტორებს 14 ოქტომბერს და როგორც მანდ აღნიშნა, ეს იქნება დღე, რომელიც შემეცნებით და გასართობ აქტივობებს გააერთიანებს და ბევრ საინტერესო მოგონებას აჩუქებს აბიტურიენტების კლუბის წევრებს მოქმედ და ახალ წევრებს.
„ჩვენ გვიყვარს შემეცნებითი და გასართობი აქტივობების სინთეზი და ამიტომაც, კლუბის დაბადების დღე სწორედ ასეთი იქნება… გვეყოლება ძალიან საინტერესო სპიკერი, რომელიც სტუმრებს ბევრ რამეზე დააფიქრებს, გვექნება სიურპრიზები.. და მოკლედ, რომ შევაჯამოთ, ემოციურად დახუნძლულ დღეს გპირდებით“.
შენც გახდი აბიტურიენტების კლუბის წევრი და #შეიმსუბუქეაბიტურიენტობა.