„ბოლო ზარის არტი 2025“ – EDU.ARIS.GE აცხადებს კონკურსს 2024-2025 სასწავლო წლის კურსდამთავრებულთათვის

თუკი მიგაჩნიათ, რომ თქვენი ბოლო ზარის პერანგი/მაისური/წინსაფარი გამოირჩევა ორიგინალური და კრეატიული ნახატით, გადაუღეთ ფოტო, გადმოაგზავნეთ, გაიმარჯვეთ და მიიღეთ კონკურსის სპონსორისგან – კომპანია „ტელკო სისტემის“ მიერ დაწესებული TENDA-ს კამერები და wifi როუტერები!

კონკურსი ორ კატეგორიაში გაიმართება – ხელით დახატული და გადაყვანილი ნახატი (პრინტი),
ორივე კატეგორიაში პირველი სამი ადგილი დაჯილდოვდება (გაიცემა ექვსი პრიზი).

გამარჯვებულებს გამოავლენს სპეციალური ჟიური, რომელიც გაითვალისწინებს პოსტებზე მიღებულ მოწონებებს.

კონკურსში მონაწილეობის წესები და მოთხოვნები:

საკონკურსო ფოტოსურათზე ნათლად უნდა ჩანდეს თქვენი 2025 წლის ბოლო ზარის პერანგზე/მაისურზე/წინსაფარზე დატანილი ნახატი.

გაითვალისწინეთ! არაკეთილსინდისიერი კონკურენციის თავიდან აცილების მიზნით, საკონკურსო ფოტოზე მონაწილეს მარცხენა ხელი უნდა ჰქონდეს აწეული! ეს აუცილებელი პირობაა.

კონკურსში მონაწილეობაა მხოლოდ ერთი ნამუშევრით არის შესაძლებელი.

მაშ ასე! 🙂

გამოაგზავნეთ საკონკურსო ფოტოსურათი მისამართზე: bza@aris.ge 2025 წლის 31 მაისის ჩათვლით! მეილში მიუთითეთ თქვენი სახელი, გვარი, დაბადების წელი, სკოლა და მობილური ტელეფონის ნომერი.

თქვენ მიერ გამოგზავნილი ფოტოები აიტვირთება EDU.ARIS.GE-ს facebook გვერდზე, სპეციალურად კონკურსისათვის შექმნილ ალბომში (პოლიტიკური და არაეთიკური ხასიათის ნამუშევრები არ აიტვირთება).

გამარჯვებულებს სპეციალური ჟიური 2025 წლის 7 ივნისს გამოაცხადებს. ჟიური გაითვალისწინებს პოსტის მოწონებების რაოდენობას – ფანების მხარდაჭერა მნიშვნელოვანია! <3
2025 წლის გამარჯვებულები პრიზებს კონკურსში მონაწილე პერანგის/მაისური/წინსაფრის წარმოდგენის შემდეგ მიიღებენ. სამახსოვროდ გადაღებული სურათები კი EDU.ARIS.GE-ს დიდების დარბაზში შეინახება!

გამარჯვებული უნდა გამოცხადდეს საავტორო პერანგით ARIS.GE-ს ოფისში და გადაიღოს სამახსოვრო ფოტო კონკურსის ორგანიზატორთან ერთად.

პრიზები საკონკურსო ნამუშევრების ორივე კატეგორიისათვის – საუკეთესო ხელით დახატული და საუკეთესო გადაყვანილი ნახატი – კომპანია „ტელკო სისტემის“ მიერ დაწესებული TENDA-ს ქსელური მოწყობილობებია:

პირველი ადგილი
Tenda TX12 Pro -Wi-FI 6 AX3000 სტანდარტის მაღალი სიმძლავრის როუტერი

მეორე ადგილი 
TX2L Pro Wi-Fi6 AX1500 სტანდარტის როუტერი, Mesh მხარდაჭერით

მესამე ადგილი – 2 პრიზი
cp3 pro – 3MP Wi-Fi ჭკვიანი კამერა სახლისთვის 360° ბრუნვით, მიკროფონით და სპიკერით

კონკურსის მიზანია, ხელი შეუწყოს „ბოლო ზარის პერანგის“ ტრადიციის გაგრძელებას.

გისურვებთ წარმატებებს!