ეროვნული თავდაცვის აკადემია 2018 წლის შემოდგომისთვის მობილობას აცხადებს – პირობები

ეროვნულ თავდაცვის აკადემიაში 2018-2019 სასწავლო წლის შემოდგომის სემესტრის საბაკალავრო საგანმანათლებლო პროგრამებზე მობილობის წესით მიიღებიან:

1 – სტუდენტები რომლებსაც 2018 წელს არ უსრულდებათ 24 და მეტი წელი;

2 – რომელთა მიერ წარმოდგენილია ცნობა ჯანმრთელობის მდგომარეობის შესახებ (ფორმა №IV-100/ა) და არ არსებობს საქართველოს თავდაცვის მინისტრის 1996 წლის 24 დეკემბრის №360 ბრძანებით გათვალისწინებული სამხედრო სამსახურში გაწვევაზე უარის თქმის საფუძველი;

3 – რომლებიც დარეგისტრირდნენ მობილობის წესით ჩასარიცხი პირების ელექტრონულ პორტალზე www.students.eqe.ge და რეგისტრაციისას აირჩიეს აკადემიის ბაკალავრიატის საგანმანათლებლო პროგრამა/პროგრამები:

• მენეჯმენტის საბაკალავრო პროგრამა – 15 მისაღები ადგილი
• ინფორმატიკის საბაკალავრო პროგრამა – 15 მისაღები ადგილი
• თავდაცვისა და უსაფრთხოების საბაკალავრო პროგრამა – 15 მისაღები ადგილი

საბუთების მიღება იწარმოებს 2018 წლის 6 აგვისტოდან 17 აგვისტოს ჩათვლით აკადემიის ტერიტორიაზე, შემდეგ მისამართზე: ქ. გორი, ცხინვალის გზატკეცილი მე-3 კილომეტრი. საბუთების მიმღები კომისიის ტელეფონია: 577 39-01-94; 2 30-52-85.

კანდიდატების შესარჩევი ტური ჩატარდება 2018 წლის 20 აგვისტოდან 24 აგვისტოს ჩათვლით (შესარჩევი ღონისძიებების განრიგი კანდიდატების რაოდენობიდან გამომდინარე დაზუსტდება მოგვიანებით)

კანდიდატების შერჩევა განხორციელდება 4 კომპონენტის შესაბამისად:

• ფიზიკური შესაბამისობის ტესტირება;
• ფსიქოლოგიური შერჩევა;
• გასაუბრება;
• სამედიცინო შემოწმება.
• შერჩეული პირები, სხვა უმაღლეს სასწავლებლებში მიღებული კრედიტების მიუხედევად, ჩაირიცხებიან ბაკალავრიატის პირველ კურსზე (არ მოხდება არსებული კრედიტების აღიარება).

საბუთების ნუსხა:

• განცხადება (ივსება აკადემიის მიმღებ კომისიაში);
• ავტობიოგრაფია (ხელნაწერი და ნაბეჭდი) – 2 ცალი;
• ზოგადი განათლების მოწმობა (დედანი და ასლი) – 3 ცალი;
• (არსებობის შემთხვევაში უმაღლესი განათლების დიპლომის დედანი და ასლი – 3 ცალი);
• პირადობის მოწმობა (დედანი და ასლი) – 3 ცალი;
• დაბადების მოწმობა (დედანი და ასლი) – 3 ცალი;
• დახასიათება ბოლო საქმიანობის ადგილიდან (სასწავლებლიდან) (დედანი და ასლი) – 2 ცალი;
• ქორწინების/განქორწინების მოწმობის ასლი (არსებობის შემთხვევაში) – 2 ცალი;
• ოჯახის წევრების (მეუღლე, შვილები, დედ-მამა, დედმამიშვილები) პირადობის მოწმობის ასლები (არსებობის შემთხვევაში) – 2 ცალი;
• შვილების დაბადების მოწმობის ასლი(არსებობის შემთხვევაში) – 2 ცალი;
• ოჯახის წევრების გარდაცვალების მოწმობის ასლი (არსებობის შემთხვევაში) – 2 ცალი;
• ცნობა სოციალური მომსახურების სააგენტოდან სახელმწიფო გასაცემლების შესახებ (დედანი და ასლი) – 2 ცალი;
• ცნობა ნასამართლეობის შესახებ (დედანი და ასლი) – 2 ცალი;
• ნარკოლოგიური შემოწმების ცნობა (დედანი და ასლი) – 2 ცალი;
• ცნობა ჯანმრთელობის შესახებ (ფორმა №IV-100/ა. დედანი და ასლი ) – 2 ცალი;
• ცნობა პროფილაქტიკური აცრების შესახებ (წითელა, წითურა, ყბაყურა, ტეტანოსი, დიფტერია. დედანი და ასლი) – 2 ცალი;
• მართვის მოწმობა (არსებობის შემთხვევაში. დედანი და ასლი) – 3 ცალი;
• შრომის წიგნაკი (არსებობის შემთხვევაში. დედანი და ასლი) – 2 ცალი;
• მიღებული სერტიფიკატების ასლი (არსებობის შემთხვევაში) – 2 ცალი;
• სამხედრო ბილეთი ან წვევამდელის სამხედრო-სააღრიცხვო მოწმობა (დედანი და ასლი) – 2 ცალი;
• ფერადი ფოტოსურათი 3×4-ზე – 6 ცალი;
• CD დისკი ფოტოსურათის ელექტრონული ვერსიით – 1 ცალი;
• საქაღალდე (მუყაოს) – 2 ცალი.
• შენიშვნა: კანდიდატი წინა უმაღლეს სასწავლებელში შექმნილ სტუდენტის პირად საქმეს წარმოადგენს მოგვიანებით.

ეროვნული თავდაცვის აკადემია