გამოქვეყნდა საერთო სამაგისტრო გამოცდის პირველადი შედეგები, სწორი პასუხები და შეფასების სქემები – გამოცდები 2023
![](https://edu.aris.ge/news/wp-content/uploads/2023/08/general-magister-shedegebi2023-458x257.jpg)
შეფასებისა და გამოცდების ეროვნულმა ცენტრმა დღეს, 18 აგვისტოს,2023 წლის საერთო სამაგისტრო გამოცდის ოთხივე ნაწილის (წაკითხულის გააზრება, ანალიტიკური წერა, ლოგიკური მსჯელობა, რაოდენობრივი მსჯელობა) პირველადი შედეგები, სწორი პასუხები და შეფასების სქემები გამოაქვეყნა.
სისტემაში შესვლა შესაძლებელია პირადი ნომრითა და საგამოცდო ბარათზე მითითებული ცხრანიშნა საიდენტიფიკაციო კოდით. იმ შემთხვევაში, თუ არ გახსოვთ კოდი, უნდა შეხვიდეთ თქვენს სარეგისტრაციო გვერდზე რეგისტრაციის დროს მიღებული ხუთნიშნა პაროლითა და თერთმეტნიშნა პირადი ნომრით, შემდეგ კი გახსნათ საგამოცდო ბარათი.
“გაითვალისწინეთ, რომ ტესტის 4 ნაწილიდან ნებისმიერ სამში კომპეტენციის მინიმალური ზღვრის გადალახვა საკმარისია იმისათვის, რომ საერთო სამაგისტრო გამოცდა წარმატებით ჩაბარებულად ჩაგეთვალოთ. თუმცა უმაღლეს სასწავლო დაწესებულებას შეუძლია, თავად დაადგინოს ის 3 ნაწილი, რომლებშიც მოითხოვს ბარიერის დაძლევას და სხვ. დეტალები იხილეთ გზამკვლევის ცხრილებში”, – განმარტავს გამოცდების ცენტრი მაგისტრობის მსურველთათვის.
ტესტები, სწორი პასუხები და შეფასების სქემები
საპრეტენზიო განაცხადების მიღება 21 აგვისტოს 10:00 საათიდან დაიწყება. განაცხადები მიიღება მხოლოდ ელექტრონულად ვებგვერდზე: online.naec.ge. მსურველებს განაცხადების შევსების შესაძლებლობა 23 აგვისტოს 18:00 საათამდე ექნებათ. დეტალური ინფორმაცია საპრეტენზიო განაცხადის შევსებასთან, ასევე გადახდის შესაძლო საშუალებებთან დაკავშირებით შეფასებისა და გამოცდების ეროვნული ცენტრის ვებგვერდზე გამოქვეყნდება.
-
არის საქართველოში მიღებული უმაღლესი განათლება წარმატებით დასაქმების გარანტია? – რას ფიქრობენ მაგისტრობის მსურველები by სიახლეები სამაგისტრო გამოცდებზე
-
2024 წლის საერთო სამაგისტრო გამოცდაზე გამოყენებული ტესტები გამოქვეყნდა by სიახლეები სამაგისტრო გამოცდებზე
-
„სამსახურებს ვაცდენთ, მაგისტრატურის გამოცდა სამუშაო დღეებში არ უნდა ინიშნებოდეს!“ – სტუდენტების თხოვნა და ტესტის შეფასებები by სიახლეები სამაგისტრო გამოცდებზე