ილიაუნისა და განათლების კოალიციის ორგანიზებით, სკოლის ლიდერობის ეროვნული კონკურსის პრეზენტაცია გაიმართა

განათლების კოალიციის და ილიას სახელმწიფო უნივერსიტეტის ინიციატივითა და ორგანიზებით, სკოლის ლიდერობის ეროვნული კონკურსის პრეზენტაცია წიგნის მაღაზია ლიგამუსში გაიმართა.

მასწავლებლის ეროვნული ჯილდოს საყოველთაო წარმატების შემდეგ განათლების კოალიცია ამჯერად მთლიანად სკოლებისა და მათი დირექტორების წახალისებას გეგმავს. ამ კონკურსის მთავარი მიზანი სკოლის მართვის პრაქტიკის განვითარების ხელშეწყობა და სწავლა-სწავლების შედეგების გაუმჯობესებაზე მიმართული შიდა სასკოლო ძალისხმევის მხარდაჭერაა.