ილიაუნის თეატრში სეზონი სპექტაკლით “ანტიგონე” გაიხსნება

4 ოქტომბერს ილიაუნის თეატრში სეზონი გაიხსნება სპექტაკლით “ანტიგონე”. სპექტაკლს თეატრი თბილისის საერთაშორისო თეატრალური ფესტივალის ფარგლებში ითამაშებს. ფესტივალის ქართულ პროგრამაში ილიაუნის თეატრი კიდევ ორ სპექტაკლს წარმოადგენს: ფრანსის ვებერის “ბრიყვთა ვახშამი” და დიანა ფატჰის “ნისლიან სეზონი”.

სპექტაკლების დასაწყისი:

“ანტიგონე” – 4 ოქტომბერი, 21:00 საათი;
“ბრიყვთა ვახშამი” – 7 ოქტომბერი, 18:00 საათი;
“ნისლიანი სეზონი” – 8 ოქტომბერი, 18:00 საათი.

ასევე, ძალიან მალე, ოქტომბრის შუა რიცხვებში, თეატრში მორიგი პრემიერა იგეგმება. მარსელ კარნეს “მატყუარები” იქნება კიდევ ერთი ახალი სპექტაკლი, რომელზეც ახალგაზრდა რეჟისორმა, რუსუდან კობიაშვილმა იმუშავა.