ილიაუნიში პირველკურსელთა რეგისტრაცია 3 სექტემბრიდან დაიწყება – წარსადგენი დოკუმენტების სია

ილიას სახელმწიფო უნივერსიტეტში საბაკალავრო საფეხურზე აბიტურიენტების რეგისტრაცია იწარმოებს 2018 წლის 3 სექტემბრიდან 14 სექტემბრის ჩათვლით შემდეგ მისამართებზე:

• ბიზნესის სკოლა – ქ. ჩოლოყაშვილის გამზირი 3/5, ოთახი E207, ყოველდღე, შაბათ- კვირის გარდა,10:00 საათიდან 18:00 საათამდე
• მეცნიერებათა და ხელოვნების ფაკულტეტი – ჭავჭავაძის გამზირი №32, ოთახი A306, ყოველდღე, შაბათ-კვირის გარდა,10:00 საათიდან 18:00 საათამდე
• სამართლის სკოლა – ჭავჭავაძის გამზირი №32, ოთახი A409 ყოველდღე, შაბათ-კვირის გარდა, 10:00 საათიდან 18:00 საათამდე
• საბუნებისმეტყველო მეცნიერებებისა და საინჟინრო ფაკულტეტი – მ.თამარაშვილის ქ .N4, ოთახი H102 ( H კორპუსთან შემოსასვლელი ჩოლოყაშვილის გამზ., 3/5 ეზოდან ) ყოველდღე, შაბათ-კვირის გარდა, 10:00 საათიდან 18:00 საათამდე.

რეგისტრაციისთვის საჭირო საბუთების ჩამონათვალი:

• პირადობის დამადასტურებელი დოკუმენტი და მისი ასლი (1 ეგზემპლარი). უცხო ქვეყნის მოქალაქის შემთხვევაში – პასპორტის (ან პირადობის მოწმობის) სანოტარო წესით დამოწმებული თარგმანი;
• სრული ზოგადი განათლების დამადასტურებელი დოკუმენტის – ატესტატის სანოტარო წესით დამოწმებული ასლი. უცხოეთში მიღებული სრული ზოგადი განათლების შემთხვევაში – განათლების ხარისხის განვითარების ეროვნული ცენტრის მიერ გაცემული აღიარების დოკუმენტი;
• სამხედრო აღრიცხვაზე ყოფნის დამადასტურებელი დოკუმენტის ასლი (მხოლოდ ვაჟებისთვის).
• 1 ფოტოსურათი ზომით 3/4 და ელ.ვერსია ელექტრონულ მატარებელზე (CD).