ილიაუნიში პოლონელ ავტორთა კრებულის „პოლიტიკური კვლევების მეთოდოლოგია“ პრეზენტაცია გაიმართა

ილიას სახელმწიფო უნივერსიტეტის წიგნის სახლ „ლიგამუსში“ გაიმართა პოლონელ ავტორთა კრებულის „პოლიტიკური კვლევების მეთოდოლოგია“ პრეზენტაცია, რომელიც საქართველოში პოლონეთის რესპუბლიკის საელჩოს აქტიური მხარდაჭერით ითარგმნა ქართულ ენაზე.

პუბლიკაციაში წარმოდგენილია მეთოდოლოგიური ცოდნისა და „ტექნიკური დახმარების“ ერთგვარი მიმოხილვა, რომელიც შეიძლება განსაკუთრებით სასარგებლო აღმოჩნდეს პოლიტიკის მეცნიერებების სფეროში მოღვაწე და ამ სფეროთი დაინტერესებული პირებისთვის.