ილიაუნიში სემინარი თემაზე: “ადრეული სამყაროს სურათის აღდგენა გრავიტაციული ტალღების საშუალებით” გაიმართება

11 იანვარს, ორშაბათს, 16:00 საათზე, ილიას სახელმწიფო უნივერსიტეტის E306 აუდიტორიაში, ილიაუნის საბუნებისმეტყველო მეცნიერებებისა და საინჟინრო ფაკულტეტის პროფესორი, თინათინ კახნიაშვილი, ჩაატარებს სემინარს თემაზე: “ადრეული სამყაროს სურათის აღდგენა გრავიტაციული ტალღების საშუალებით”.

როგორც უნივერსიტეტის ოფიციალურ გვერდზეა აღნიშნული, გრავიტაციული ტალღების ასტრონომია საშუალებას გვაძლევს, დავაკვირდეთ სამყაროს ევოლუციის ადრეულ სტადიებს.

სემინარზე განხილული იქნება გრავიტაციული ტალღების სხვადასხვა წყარო – ინფლაცია, კოსმოლოგიური ფაზური გადასვლები, პირველადი მაგნიტური ველები და ტურბულენტობა.