“ლიდერთა სახლი” – იუსტიციის სასწავლო ცენტრში

2012 წლიდან – დღემდე საქართველოს იუსტიციის სასწავლო ცენტრის აქტიური მხარდაჭერით ხორციელდება იუსტიციის სამინისტროს ახალგაზრდული პროექტი – “ლიდერთა სახლი”, რომელსაც სსიპ “დანაშაულის პრევენციის და ინოვაციური პროგრამების ცენტრი” ახორციელებს. პროგრამაში მონაწილეობენ 14-დან 18 წლამდე ასაკის ახალგაზრდები.

პროექტის მიზანია:

– ახალგაზრდებში მოქალაქეობრივი თვითშეგნების გაძლიერება;

– კულტურული, საგანმანათლებლო და სპორტული აქტივობების წახალისება;

– თავისუფალი დროის ეფექტიანი დაგეგმვა და სწორი გამოყენება, დანაშაულის ჩადენის რისკის შემცირება.

2014 წელს იუსტიციის სასწავლო ცენტრში პროექტის “ლიდერთა სახლი” ფარგლებში განხორციელდა რამდენიმე ღონისძიება:

– 19 მარტი – “რეზიუმეს შედგენა და გასაუბრების უნარ-ჩვევები” – დავით ბატონიშვილის სამართლის ინსტიტუტის სამეცნიერო თანამშემწე – თამარ ჭელიძესთან.

– 7 მარტი – “პროფესიული არჩევანი” – ჟურნალისტ – მარიკა ბაკურაძესთან.

– 27 თებერვალი – “სამოქალაქო აქტივიზმი” – პროგრამის “პროფესიული არჩევანი” კოორდინატორთან თბილისში – მაია ნასრაშვილთან.

– 28 თებერვალი – “პროფესიული არჩევანი” – იურისტ – ბაჩანა შენგელიასთან.

იუსტიციის სასწავლო ცენტრი გააგრძელებს და აქტიურად მიიღებს მონაწილეობას იუსტიციის სამინისტროს მიერ ინიცირებულ და ადმინისტრირებულ განსხვავებულ პოროექტებში, რომელთა მიზანიც იქნება დანაშაულის პრევენცია და ზოგადად, სამართლებრივი მართლშეგნების ამაღლება.