პროფესიული განათლების მიღების მსურველთა გამოცდის თარიღები, პროგრამა და ტესტის ნიმუშები

შეფასებისა და გამოცდების ეროვნული ცენტრი დღეს, 22 მაისს, პროფესიული განათლების მიღების მსურველთათვის პროფესიული ტესტირების შესახებ ინფორმაციას აქვეყნებს.

გამოცდის/ტესტირების თარიღები

2024 წელს უმაღლეს პროფესიულ საგანმანათლებლო და ზოგიერთ საშუალო პროფესიულ საგანმანათლებლო პროგრამებზე ტესტირება საბუნებისმეტყველო მეცნიერებებში 1 ივნისს, წიგნიერებასა და რაოდენობრივ წიგნიერებაში კი 2 ივნისს ჩატარდება.

საგამოცდო დრო და ქულები

როგორც NAEC-ში განმარტავენ, თითოეული ტესტის მაქსიმალური ქულაა 30 და აპლიკანტს მინიმალური კომპეტენციის ზღვარი გადალახულად ჩაეთვლება მაქსიმალური ქულის 15%-ის დაგროვების შემთხვევაში. ტესტირების ხანგრძლივობაა1 საათი და 30 წუთი.

იხილეთ პროგრამები და ტესტის ნიმუშები: 

2024 წლის ტესტურ დავალებათა ნიმუშები პროფესიული ტესტირებისთვის

2024 წლის საგამოცდო პროგრამები პროფესიული ტესტირებისთვის

შეგახსენებთ, რომ პროფესიულ საგანმანათლებლო პროგრამებზე რეგისტრაცია 2024 წლის 22 აპრილიდან დაიწყო და 16 მაისის ჩათვლით გაგრძელდა.