თუ თქვენი მოსწავლე მედალოსანია, ეს უნდა იცოდეთ – ინფორმაცია EMIS-სგან

განათლების მართვის საინფორმაციო სისტემა (EMIS), ელექტრონულ ჟურნალში მედალოსანი მოსწავლეების მონაცემების მართვის შესახებ, საჯარო სკოლებისთვის ინფორმაციას აქვეყნებს.

EMIS-ის ცნობით, ელექტრონულ ჟურნალში მედალოსანი მოსწავლეების მონაცემების მოდული სკოლებს აძლევს შესაძლებლობას, სწრაფად და ეფექტურად მიიღონ ზუსტი და განახლებული ინფორმაცია მოსწავლეთა მიღწევების შესახებ.

მოდულის შესაძლებლობები:

• მონაცემების ნახვა მედლის ტიპის მიხედვით;
• მიმდინარე სემესტრის მონაცემების ნახვა და ექსპორტი;
• გასული წლების მედალოსანი მოსწავლეების მონაცემების ნახვა და ექსპორტი;
• კონკრეტული მოსწავლის მედლის ტიპის მონაცემების ნახვა და ექსპორტი.

„მონაცემების გენერაცია მიმდინარეობს რეალურ დროში და ეფუძნება უახლეს ინფორმაციას, რაც უზრუნველყოფს მედლის ტიპის ზუსტ და ეფექტიან განსაზღვრას“, – აღნიშნულია განათლების მართვის საინფორმაციო სისტემის 16 აპრილის ინფორმაციაში.

ასევე იხილეთ: 

როგორ ატვირთოს დირექტორმა დარღვევების ოქმზე რეაგირების დოკუმენტი ელექტრონულ ჟურნალში – ვიდეოინსტრუქცია

ჟურნალში შეფასების კორექტირება გასული დროით – როგორ უნდა მოითხოვოს პედაგოგმა ეს უფლება