როგორ დავიბრუნოთ საპრეტენზიო განაცხადისთვის გადახდილი თანხა – სტუდენტთა საგრანტო კონკურსი 2025

4 სექტემბრიდან 6 ოქტომბრის 18:00 საათამდე, სტუდენტთა საგრანტო კონკურსის მონაწილეებს, რომლებმაც 2025 წლის საერთო სამაგისტრო გამოცდებზე ტესტის შეფასებასთან დაკავშირებით საპრეტენზიო განაცხადის წარდგენისას თანხა ზედმეტად გადაიხადეს, აღნიშნული თანხის დაბრუნების თაობაზე განაცხადის წარდგენა ელექტრონულად შეუძლიათ.

თანხის დაბრუნების თაობაზე განაცხადის წარმოდგენა ელექტრონულად შეუძლიათ სტუდენტთა საგრანტო კონკურსის იმ მონაწილეებს, რომლებმაც:

• ზედმეტად გადაიხადეს საპრეტენზიო განაცხადის წარდგენისას თანხა;
• საპრეტენზიო ვადის ამოწურვამდე არ წარადგინეს საპრეტენზიო განაცხადი;
• აღნიშნული ვადის გასვლამდე უარი თქვეს საპრეტენზიო განაცხადებზე;
• საპრეტენზიო განაცხადის საფუძველზე შეეცვალათ ტესტის შეფასება.

განაცხადები მიიღება მხოლოდ ელექტრონულად სპეციალური პროგრამის გამოყენებით შემდეგ ბმულზე: https://online1.naec.ge/oapp

თანხა მითითებულ ანგარიშებზე ჩაირიცხება განცხადებების მიღების დასრულებიდან ერთი თვის განმავლობაში.