შაშკინი წლევანდელ სასერთიფიკატო გამოცდებს მასწავლებელთა შეურაცხყოფად მიიჩნევს

“წლევანდელი სასერთიფიკატო გამოცდები მასწავლებელთა შეურაცხყოფა იყო,” – ამის შესახებ განათლების ადა მეცნიერების ყოფილმა მინისტრმა დიმიტრი შაშკინმა “პრაიმტაიმის” პრესკლუბში განაცხადა.

დიმიტრი შაშკინის თქმით, გამოცდის არსი ის არის, რომ თუ არ მოემზადე, ვერ ჩააბარებ. როგორც შაშკინი ამბობს, მასწავლებლები 9 თვის განმავლობაში არავინ არ მოამზადა, ტრენინგებს ქაოსური ხასიათი ჰქონდა. მისი თქმით, მასწავლებლები სასერთიფიკატო გამოცდაზე მოუმზადებლები გავიდნენ. “განათლების მინისტრი, როდესაც ვიყავი, მასწავლებელთა სახლის მუშაობას სამინისტროს გენინსპექცია აკონტროლებდა,” – დასძენს შაშკინი.

შაშკინს მიაჩნია, რომ მასწავლებელს გამოცდაზე არ შეიძლება მოსთხოვონ იმის ცოდნა, რისი ვალდებულებაც მას არ აქვს. “გამოცდების ეროვნული ცენტრის ხელმძღვანელმა თქვა, რომ მე მასწავლებლებთან კორექტულ მოპყრობას ვითხოვდი, რაც სწორია,” – აღნიშნავს შაშკინი.