თბილისში ერთ-ერთი ყველაზე დიდი საბავშვო ბაღი სამგორში გაიხსნება – დაწყებულია რეგისტრაცია
![](https://edu.aris.ge/news/wp-content/uploads/2023/11/bagi1-458x257.jpg)
თბილისში, სამგორის რაიონში, ე.წ. აფრიკის დასახლებაში, 64-ე საბავშვო ბაგა-ბაღის მშენებლობა დასრულდა და ის მომავალი წლის იანვარში გაიხსნება. აღსაზრდელთა რეგისტრაცია კი უკვე დაიწყებულია.
დასახლებაში ამჟამად მხოლოდ ერთი საბავშვო ბაღი ფუნქციონირებს, რის გამოც ბაგა-ბაღებზე მოთხოვნა საკმაოდ მაღალია.
„პარალელური რეგისტრაციით აღსაზრდელებს შეუძლიათ, ახალ ბაღში დარეგისტრირდნენ, მის გახსნამდე კი, ჩვენი მომსახურებით სხვა ბაღებში ისარგებლონ“, – განაცხადა ბაგა-ბაღების მართვის სააგენტოს ხელმძღვანელმა კახა აბულაძემ ბაღის მონახულების შემდეგ.
თბილისის ბაღების მართვის სააგენტოს ცნობით, 64-ე საბავშვო ბაღი თბილისში ერთ-ერთი ყველაზე დიდი იქნება, სადაც 15 ჯგუფი გაიხსნება და სკოლამდელ განათლებას 500-მდე აღსაზრდელი მიიღებს.
ახალი საბავშვო ბაღის შენობა აღჭურვილია სახანძრო უსაფრთხოების, ასევე, ვიდეოსამეთვალყურეო სისტემებით. ის ადაპტირებულია შშმ პირთათვის და დაცულია ბავშვთა უსაფრთხოების ყველა ადგილობრივი და საერთაშორისო სტანდარტი.
მოამზადა კესო კვაჭაძემ
-
ქუთაისის საერთაშორისო უნივერსიტეტს (KIU) ახალი რექტორი ჰყავს by მასმედია
-
ე.წ. უფასო ფაკულტეტების ჩამონათვალი უნივერსიტეტების მიხედვით – 2024-2025 სასწავლო წელი by მასმედია
-
SEU-ს რექტორი უპრეცედენტო სიახლეზე: „ხელს შევუწყობთ რეგიონში მასპინძლობის სფეროსა და ტურიზმის სექტორის განვითარებას“ by მასმედია