ტეხას ა&მ უნივერსიტეტმა გრუნიში კვლევითი სემინარები დაასრულა
![](https://edu.aris.ge/news/wp-content/uploads/2023/11/gruni-2-458x257.jpg)
დასრულდა ტეხას ა&მ უნივერსიტეტის კვლევითი სემინარების სერია “Paths to Publication”, აკადემიური პერსონალისა და ახალგაზრდა მკვლევრებისათვის, რომელშიც გრიგოლ რობაქიძის სახელობის უნივერსიტეტი, როგორც პარტნიორი, მონაწილეობდა. პროგრამა 2024 წლის გაზაფხულის სემესტრში გაგრძელდება.
ონლაინსწავლება „Paths to Publication” -ში გრიგოლ რობაქიძის უნივერსიტეტი უკვე მეორე სემესტრია მონაწილეობს. შემოდგომის სემესტრის პირველი ლექცია 2023 წლის 9 სექტემბერს დაიწყო და მოიცავდა კვლევასთან, სამეცნიერო ნაშრომის მომზადებასთან, გამოქვეყნებასა და გრანტებთან დაკავშირებულ 5 სემინარს, რომელსაც მასპინძლობდა ტეხას ა&მ-ის უნივერსიტეტის განათლებისა და კვლევის სკოლა და კურსდამთავრებულთა მრჩეველთა საბჭო.
კვლევით სემინარებში გრუნის 70-მდე ახალგაზრდა მკვლევარი და აკადემიური პერსონალი მონაწილეობდა.
პროექტის მონაწილეებმა ტეხას ა&მ უნივერსიტეტის პროფესორებთან ერთად განიხილეს სამეცნიერო ნაშრომის მომზადებასთან დაკავშირებული საკითხები:
- როგორ ამოვიცნოთ „მტაცებლური ჟურნალები“ და რა უნდა გავითვალისწინოთ მათთან ურთიერთობისას
- სტატისტიკის საფუძვლები
- როგორ ვიპოვოთ სწორი თანამშრომლობები
- რჩევები ინსტიტუციური განხილვის საბჭოში ნაშრომის გაგზავნამდე
- აკადემიური წერის სისტემა
კვლევითი სემინარების ბოლო შეხვედრა 9 ნოემბერს გაიმართა და მას უძღვებოდა დოქტორი პატრიცია გუდსონი, ტეხასის A&M უნივერსიტეტის საპრეზიდენტო პროფესორი ჯანდაცვის სფეროში. ლექციის ფარგლებში, პროფესორმა გუდსონმა აუდიტორიას გაუზიარა აკადემიური წერის ეფექტური სტრატეგია და რესურსი.
კვლევითი სემინარების დახურვის საზეიმო ცერემონია გაიმართება სემესტრის ბოლოს, რომლის ფარგლებშიც მონაწილეებს ტეხას ა&მ უნივერსიტეტის სერტიფიკატები გადაეცემათ.
-
გრიგოლ რობაქიძის სახელობის უნივერსიტეტი აცხადებს მიღებას დოქტორანტურაში – ვადები და პროცედურა by გრიგოლ რობაქიძის უნივერსიტეტი
-
პირველკურსელთა რეგისტრაცია GRUNI-ში 2 სექტემბერს დაიწყება by გრიგოლ რობაქიძის უნივერსიტეტი
-
GRUNI-ში პოზიტიური მშობლობის პროგრამის განსახორციელებლად ერთკვირიანი ტრენინგი ჩატარდა by გრიგოლ რობაქიძის უნივერსიტეტი