თსუ-ში კონკურსის „მოსწავლის თვალით დანახული საქართველოს ტყეები“ დაჯილდოვება გაიმართა

21 მარტს ივანე ჯავახიშვილის სახელობის თბილისის სახელმწიფო უნივერსიტეტში კონკურსის „მოსწავლის თვალით დანახული საქართველოს ტყეების“ ფინალი, გამოფენა და დაჯილდოების ცერემონია გაიმართა. კონკურსის ჟიურიმ სამი გამარჯვებული გამოავლინა: პირველი ადგილის მფლობელი აბაშის რაიონის, სოფელ მაიდნის საჯარო სკოლის მოსწავლე ლილუ ხიზანიშვილი გახდა, მოერე ადგილი ბათუმის გიმნაზიის მოსწავლემ დავით ჯინჭარაძემ დაიკავა, ხოლო მესამე ადგილი მესტიის, სოფელ ხაიშის საჯარო სკოლის მოსწავლეს მარი გოშთელიანს ერგო. კონკურსის ფინალისტებს სერტიფიკატები, ხოლო გამარჯვებულებს უნივერსიტეტის მიერ დაწესებული საჩუქრები გადაეცათ. ორგანიზატორებმა სპეციალური დიპლომები კონკურსში მონაწილე მოსწავლეების მასწავლებლებისათვის და სკოლებისთვისაც დააწესეს.