„ხელოვნური ინტელექტი განათლებაში“ – GRUNI-ში მოსწავლეებისთვის ტრენინგი ჩატარდა

საქართველოს ზოგადსაგანმანათლებლო სკოლების გაძლიერების პროგრამის ფარგლებში, გრუნის ხელოვნური ინტელექტის ლაბორატორიაში 10 დღეს მიმდინარეობდა ტრენინგი მოსწავლეებისთვის: „ხელოვნური ინტელექტი განათლებაში“.

უნივერსიტეტის პარტნიორი: აია ჯესის, მე-10, 23-ე, 98-ე, 142-ე, 159-ე, 138-ე, 166-ე, 221-ე სკოლების 200-მდე მოსწავლე დირექტორებთან/ პედაგოგებთან ერთად მონაწილეობდნენ ტრენინგში, რომელსაც უძღვებოდა ლაბორატორიის ხელმძღვანელი, პროფესორი – ხოსე რომერო.

ტრენინგზე, რომელიც ინგლისურ ენაზე მიმდინარეობდა, განიხილეს:

• რა არის ხელოვნური ინტელექტი;
• ხელოვნური ინტელექტის შექმნის ისტორია;
• როგორ შეიძლება AI-ს სწორად გამოყენება;
• ხელოვნური ინტელექტის როლი განათლებაში;
• ხელოვნური ინტელექტის განვითარების ფაზები ( AI მომავალში).

მოსწავლეებმა თავადაც შეასრულეს პროფესორის პრაქტიკული დავალებები.

ხელოვნური ინტელექტის ლაბორატორია გრუნიში 2025 წლის მარტში დაარსდა და მიზნად ისახავს ხელოვნური ინტელექტის სწავლებასა და სასწავლო და კვლევის პროცესში მის გამოყენებას.

პროექტს ხელმძღვანელობდნენ: ბიზნესისა და მართვის სკოლა და სტრატეგიული განვითარებისა და მარკეტინგული კვლევის ცენტრი.